سەرۆک کۆمار: بەردەوامین لەبەدیهێنانی سەقامگیری لەناوچەکە

نووسینگەی راگەیاندنی سەرۆكایەتی كۆمار

د. لەتیف جەمال رەشید، سەرۆك كۆماری عیراق، شێخ محەمەد بن زاید ئال نهیان سەرۆكی ئیماراتی یەكگرتووی عەر

د. لەتیف جەمال رەشید، سەرۆك كۆماری عیراق لەگەڵ شێخ محەمەد بن زاید ئال نهیان سەرۆكی ئیماراتی یەكگرتووی عەرەبی لە پەیوەندییەكی تەلەفۆنیدا هەردوولا پەرەسەندنەكانی گۆڕەپانی ناوچەكە و چۆنییەتی پەرەپێدانی پەیوەندییە دووقۆڵییەكانیان تاوتوێكرد كە مەبەست لێی پاراستنی بەرژەوەندییەكانی هەر دوو گەلی برا و چەسپاندنی ئاسایش و سەقامگیرییە لە ناوچەكەدا.

لەمیانی پەیوەندییە تەلەفونییەكەدا  رۆژی 27-6-2025 جەختكرایەوە لەسەر گرنگی هێوركردنەوە و كەمكردنەوەی گرژییەكان، هەروەها بەكارهێنانی دیالۆگ و رێگەی ئاشتیانە وەك ئامرازێك بۆ چارەسەركردنی قەیرانەكان، كە دەبێتە مایەی چەسپاندنی ئاسایش و سەقامگیری، هاوكات گرنگ دەبێت بۆ درێژەدان بە هەماهەنگی و چڕكردنی هەوڵەكان بە ئامانجی پتەوكردنی ئاشتیی ئیقلیمی و نێودەوڵەتی.

هەر لەو پەیوەندییە  تەلەفونییەدا روناكی خرایە سەر پێشهاتەكان و دۆخی كارەساتباری مرۆیی لە كەرتی غەززە، لەوبارەیەوە هەردوو سەرۆك كۆك بوون لەسەر پێویستی چڕكردنەوەی هەوڵە نێودەوڵەتی و ئیقلیمییەكان بۆ راگرتنی دەستدرێژیی ئیسرائیل و گەیاندنی یارمەتیی مرۆیی بەپەلە و كۆتایی هێنان بە گەمارۆ و كەمكردنەوەی ئازارەكانی خەڵكی مەدەنی.

PUKMEDIA