سەرۆککۆمار: جەخت لەسەر گرنگی یەکخستنی ریزەکان دەکەینەوە

سەرۆکایەتى کۆمار

سەرۆککۆماری عيراق د.لەتیف جەمال رەشید

سەرۆککۆماری عيراق د.لەتیف جەمال رەشید لە پەیامێکیدا پیرۆزبایى ساڵى نوێى کۆچى  لە سەرجەم موسوڵمانان  دەکات و رایدەگەیەنێت : "جەخت لەسەر گرنگی یەکخستنی ریزەکان دەکەینەوە بۆ رووبەڕووبوونەوەی ئەو ئاستەنگانەی رووبەڕووی وڵاتەکەمان دەبنەوە ".

دەقى پەیامەکەى سەرۆککۆمار:

بەبۆنەی ساڵی نوێی کۆچییەوە، گەرمترین پیرۆزبایی لە گەلەکەمان و سەرجەم موسوڵمانان دەکەین و هیوادارین ساڵی خێر و بەرەکەت بێت بۆ هەمووان.

 لەم بۆنەیەدا بەبیرهێنانەوەی بەها بەرزەکانی پەیرەوی پێغەمبەری ئازیز( د خ) بە بیردەهێنینەوە و پەیامی ئیسلام دووپات دەکەینەوە و جەخت لەسەر گرنگی یەکخستنی ریزەکان دەکەینەوە بۆ رووبەڕووبوونەوەی ئەو ئاستەنگانەی رووبەڕووی وڵاتەکەمان دەبنەوە و پێکەوە کارکردن بۆ تەواوکردنی پرۆسەی پێشکەوتن و چەسپاندنی بنەماکانی ئاسایش و سەقامگیری و ئاشتی بۆ وڵاتان و گەلانی ناوچەکە.

هەموو ساڵێک هەمووان لەخێر و خۆشیدا بن

PUKMEDIA