ترەمپ سوپاسی ئێران دەکات

NBC NEWS

دۆناڵد تره‌مپ سەرۆکی ئەمریکا

ئێران هێرشی موشەکی کردە سەر بنکەیەکی سەربازی ئەمریکا لە قەتەر و دۆناڵد ترەمپ سه‌رۆكی ویلایه‌ته‌یه‌كگرتوه‌كانی ئه‌مریكاش سوپاسی دەکات  کە ئاگاداری پێشوەختی کردۆتەوە لە هێرشەکەیان و دەڵێت:" هیچ زیانێکمان پێ نەگەیشتووە و ئێستا هیوا بۆ ئاشتی هەیە".

دۆناڵد ترەمپ له‌ په‌یامێکیدا لە دوای هێرشی موشەکی ئێران بۆ سەر بنکەی سەربازی وڵاتەکەی لە قەتەر رایگەیاند:"هێرشه‌كه‌ زۆر لاواز بووە و  هیچ ئەمریکییەک زیانی پێ نەگەیشتووە، هاوکات هانی  ئیسرائیل و ئێران دەدەین کۆتایی بە ململانێکانیات بهێنن".

سەرۆکی ئەمریکا لە پەیامەکەیدا سوپاسی کۆماری ئیسلامی ئێران دەکات کە پێشوەختە ئاگاداری کردوونەتەوە لەهێرشکردنە سەر بنکەکەیان لە قەتەر و  وتی:" ئێستا هیوای هاوبەش بۆ ئاشتی لە ناوچەکەدا هەیە".

هەروەها دۆناڵد ترەمپ ژمارەی مووشەکەکانی ئێران بۆسەر بنکە سەربازییەکانی وڵاتەکەی لە قەتەر ئاشکراکرد و ئاماژاەی بەوەکرد:" ئێران 14 مووشەکی هاویشت و 13 مووشەکیان خرانە خوارەوە، وازمان لەو دانەیەش هێنا، چونکە هیچ هەڕەشەی دروست نەکرد"، وتیشی:"ئێران وەڵامێکی ئەوپەڕی لاوازی داینەوە لە بەرامبەر کاولکردنی بنکە ئەتۆمییەکانیدا".

PUKMEDIA