سعودیە: كۆمەڵگەی نێودەوڵەتی هەوڵەكانی بۆ چارەسەر چڕ بكاتەوە

expatmedia

ئاڵای سعودیە

سعودیە نیگەرانی لە بەئامانجكردنی دامەزراوە ئەتۆمییەكانی ئێران لەلایەن ئەمریكاوە دەردەبڕێت و داوای دانبەخۆداگرتن و  كەمكردنەوە و دووركەوتنەوە لە پەرەسەندنی گرژییەكان  دەكات.

 ئەمڕۆ 22-6-2025، سعودیە لە بەیاننامەیەكدا رایدەگەیەنێت: "شانشینی سعودیە بە نیگەرانییەكی زۆرەوە بەدواداچوون بۆ پێشهاتەكانی كۆماری ئیسلامی ئێران دەكات، كە لەلایەن ویلایەتە یەكگرتووەكانی ئەمریكاوە دامەزراوە ئەتۆمییەكانی بەئاماجگیرا".

 سعودیە بەپێویستی دەزانێت هەموو هەوڵێك بخرێتەگەڕ بۆ دانبەخۆداگرتن و كەمكردنەوەی پەرەسەندنی ئاڵۆزییەكان و دەڵێت: "هەلومەرجەكە پێویستی بەوەیە كۆمەڵگەی نێودەوڵەتی زۆر بە هەستیارییەوە هەوڵەكانی  چڕبكاتەوە بۆ گەیشتن بە چارەسەرێكی سیاسی مسۆگەر بكات ، كە كۆتایی بە قەیرانەكان بهێنێت و لاپەڕەیەكی نوێ بۆ گەیشتن بە ئاسایش و سەقامگیری لە ناوچەكەدا بكاتەوە".

ئەمەش لە كاتێكدایە، سەرلەبەیانی ئەمڕۆ ئەمریکا هێرشی ئاسمانی کردە سەر بنکە ئەتۆمییەکان  فۆردۆ، نەتەنز و ئەسفەهان لە ئێران.

PUKMEDIA