riklam

فڕۆكه‌خانه‌ی به‌سڕه‌ بۆ گه‌ڕانه‌وه‌ی هاووڵاتیانی عیراق ده‌كرێته‌وه‌

عیراق 09:54 AM - 2025-06-15
فڕۆکەخانەى نێودەوڵەتى بەسرە ئاژانسەکان

فڕۆکەخانەى نێودەوڵەتى بەسرە

گەشتیار

سه‌رۆكی ده‌سته‌ی فڕ‌ۆكه‌وانی شارستانی عیراق رایگه‌یاند:" ئه‌مڕ‌ۆ یه‌كشه‌ممه‌ 15ی6ی2025 له‌ رێگای فڕۆكه‌خانه‌ی نێوده‌وڵه‌تیی به‌سڕ‌ه‌وه‌ هاووڵاتییانی ده‌ره‌وه‌ی وڵات رێنمایی ده‌كرێن كه‌ بتوانن بگه‌ڕ‌ێنه‌وه‌ عیراق".

به‌نگین رێكانی سه‌رۆكی ده‌سته‌ی فڕ‌ۆكه‌وانی شارستانی عیراق، رایگه‌یاند: "له‌ ئه‌مڕ‌ۆوه‌ فڕ‌ۆكه‌خانه‌ی به‌سڕه‌ ده‌كرێته‌وه‌، هه‌روه‌ها سه‌رجه‌م هێڵه‌ ئاسمانییه‌كان رێنمایی ده‌كرێن بۆ چۆنیه‌تی گه‌ڕ‌انه‌وه‌ی گه‌شتیاران بۆ عیراق".

"فڕ‌ۆكه‌خانه‌كانی دیكه‌ به‌ داخراوی ده‌مێننه‌وه‌، هه‌تا رێنمایی دیكه‌ ده‌رده‌چێت" به‌نگین رێكانی وای وت.

سه‌باره‌ت به‌ توركیا سه‌رۆكی ده‌سته‌ی فڕ‌ۆكه‌وانی شارستانی عیراق باسی له‌وه‌شكرد: "ڤیزه‌ له‌ فڕ‌ۆكه‌خانه‌ی ئیسته‌نبوڵ ده‌درێت به‌ ئه‌و كه‌سانه‌ی كه‌ ده‌چنه‌ ئه‌و وڵاته‌، یان ئه‌و كه‌سانه‌ی ئاره‌زووی چوون بۆ توركیا ده‌كه‌ن، له‌ رێگه‌ی وشكانییه‌وه‌، ئه‌مه‌ش به‌ هه‌ماهه‌نگی له‌گه‌ڵ باڵیۆزخانه‌ی عیراق له‌ئه‌نقه‌ره‌ ده‌بێت".

وه‌زاره‌تی گواستنه‌وه‌ی عیراق، به‌هۆی بارگرژییه‌ ئه‌منییه‌كانی ناوچه‌كه‌ و بۆ پاراستنی سه‌لامه‌تیی گه‌شتیاران، راگرتنی ته‌واوی گه‌شتی ئاسمانی له‌هه‌موو فڕ‌ۆكه‌خانه‌كانی عیراق و داخستنی كاتیی ئاسمانی وڵاته‌كه‌ی له‌ 13ی 6ی 2025 دا قۆناغ به‌ قۆناغ راگه‌یاندو هه‌تا ئه‌مڕ‌ۆ 15ی6ی 2025 نه‌كراوه‌ته‌وه‌، هه‌روه‌ها هه‌وڵه‌كانی حكومه‌تی عیراقیش به‌رده‌وامه‌ بۆ گه‌ڕانه‌وه‌ی هاووڵاتییه‌كانی كه‌ له‌ده‌ره‌وه‌ی عیراقن.

PUKMEDIA



ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket