كۆمسیۆن جارێكی دیكه‌ واده‌ی نوێكردنه‌وه‌ی تۆماری ده‌نگده‌ران درێژده‌كاته‌وه‌

PUKMEDIA

کارتى بایۆمەترى دەنگدان

كۆمسیۆنی باڵای سه‌ربه‌خۆی هه‌ڵبژاردنه‌كانی عیراق رایده‌گه‌یه‌نێت: "ژماره‌ی ئه‌و كه‌سانه‌ی كارتی بایۆمه‌ترییان نوێكردووه‌ته‌وه‌ زیادیكردووه‌، به‌جۆرێك تائیستا بەکۆى گشتیى زیاتر له‌ 21 ملیۆن و 223 هه‌زار كه‌س كارته‌كانیان نوێكردووه‌ته‌وه‌".

له‌ڕ‌اگه‌یه‌نراوێكدا كۆمسیۆنی باڵای سه‌ربه‌خۆی هه‌ڵبژاردنه‌كانی عیراق ئاماژه‌ی به‌وه‌كردووه‌: "ژماره‌ی ئه‌و كه‌سانه‌ی كارتی بایۆمه‌ترییان نوێكردووه‌ته‌وه‌ زیادیكردووه‌، به‌جۆرێك تائیستا زیاتر له‌ دوو ملیۆن و 357 هه‌زار كه‌س كارته‌كانیان نوێكردووه‌ته‌وه‌، هاوكات ناوه‌نده‌كانی تۆماركردنی كارتی بایۆمه‌تری هه‌موو رۆژه‌كانی هه‌فته‌ كراوه‌ن".

جومانه‌ غه‌لای وته‌بێژی كۆمسیۆنی باڵای سه‌ربه‌خۆی هه‌ڵبژاردنه‌كانی عیراق به‌ وێبسایتی ره‌سمیی یه‌كێتیی نیشتمانیی كوردستان  PUKMEDIA ی راگه‌یاند: "هه‌ڵمه‌تی راگه‌یاندن و تیمه‌ گه‌ڕ‌ۆكه‌كان یارمه‌تیده‌ربوون له‌ به‌رزبوونه‌وه‌ی رێژه‌ی نوێكردنه‌وه‌ی بایۆمه‌تری و ئه‌مه‌ش هانی كۆمسیۆن ده‌دات ماوه‌ی نوێكردنه‌وه‌ی تۆماری ده‌نگده‌ران درێژ بكاته‌وه‌، چونكه‌ خواستی زۆری هاووڵاتیانی له‌سه‌ره‌".

"پێشتریش بۆ ماوه‌ی یه‌ك مانگ كاتی تۆماركردنمان درێژكردووه‌ته‌وه‌ و ئه‌مڕۆش بڕیاردرا جارێكی دیكه‌ ماوه‌كه‌ی درێژ بكرێته‌وه،‌ تا 20ی6ی2025 كه‌ ئه‌مه‌ درێژترین درێژكردنه‌وه‌یه‌ كۆمسیۆن كردوویه‌تی"، جومانه‌ غه‌لای وایوت.

راشیگه‌یاند: "دوایین ئاماره‌كان بۆ نوێكردنه‌وه‌ی تۆماركردنی بایۆمه‌تری هه‌تا ئه‌مڕۆ 12ی6ی2025 له‌پارێزگاكانی عیراق به‌م شێوه‌یه‌یه‌.

* به‌غدا 220679
* دهۆك 67207
* هه‌ولێر 132309
* سلێمانی 98292
* نه‌ینه‌وا 264606
* كه‌ركوك 95742
* دیاله‌ 79410
* ئه‌نبار 100932
* به‌غدا كرخ 199031
* بابل 74580
* كه‌ربه‌لا 48699
* واست 49119
* سه‌لاحه‌دین 104456
* نه‌جه‌ف 54743
* دیوانیه‌ 49763
*موسه‌نا 27379
* زیقار 94925
* میسان 35163
* به‌سره‌ 112482
كه‌ كۆی گشتی هه‌موو پارێزگاكانی عیراق ده‌گاته‌ 1 ملیۆن و 909 هه‌زار و 510 كه‌س، ئەم کەسانە تەنها لە ئەمساڵدا تۆمارى بایۆمەتریان نوێکردووەتەوە.

PUKMEDIA