جەژنانەی 100 هەزار دینار خەرجكرا

وەزارەتی كاری عیراق

وەزارەتی كاری عیراق

وەزارەتی كاری عیراق رایدەگەیەنێت: "بڕی 100 هەزار  دینار جەژنانە  بە هەر منداڵێكی بێ سەرپەرشتی تۆڕەكانی چاودێری و دەستەبەری كۆمەڵایەتی دراوە و ئاماژەی بەوەشدا، كە دوو ملیۆن و 190 هەزار كەس مووچەی چاودێری كۆمەڵایەتیان هەیە".
 
حەسەن خەوام، وتەبێژی وەزارەتی كاری عیراق رایگەیاند: "ئەو خێزانانەی لە تۆڕی دەستەبەری كۆمەڵایەتی تۆماركراون، بیمەی تەندروستیان بە خۆڕایی پێدەدرێت، مانگانەش بە هاوئاهەنگی وەزارەتی بازرگانی، سەبەتەی خۆراكیان پێدەدەین".

"ئەو گەنجانەی لە تۆڕی دەستەبەری كۆمەڵایەتی تۆماركراون و تەمەنیان لەنێوان 18 بۆ 25 ساڵە، بەشێوەی گرێبەست لە وەزارەتەكان دایاندەمەزرێنین، تائێستا زیاتر لە 51 هەزار گەنج بە گرێبەست لە وەزارەتەكانی ناوخۆ، پەروەردە و داد دامەزر ێندراون" وتەبێژەكە وایوت.

وتەبێژی وەزارەتەكە دەشڵێت: "لە جەژندا بڕی 100 هەزار دینار جەژنانەی بە هەر منداڵێكی بێ سەرپەرشتی تۆڕەكانی چاودێری و دەستەبەری كۆمەڵایەتی داوە".

PUKMEDIA