رەفعەت عەبدوڵڵا: داواکارم ئەم جەژنە ببێتە مایەى تەبایی زیاتری لایەنەکان

نوسینگەى راگەیاندنى جێگرى سەرۆکى یەکێتى

رەفعەت عەبدوڵڵا جێگرى سەرۆکى یەکێتیى نیشتمانیى کوردستان

رەفعەت عەبدوڵڵا جێگرى سەرۆکى یەکێتیى نیشتمانیى کوردستان پیرۆزبایى لە تێکڕاى موسوڵمانان دەکات و رایدەگەیەنێت: " لەخوای گەورە داواکارم ئەم جەژنە ببێتە مایەى چارەسەرکردنی سەرجەم کێشە و ئاستەنگەکان و تەبایی زیاتری نێوان لایەنە سیاسیەکان".

ئەمە دەقى پەیامەکەى رەفعەت عەبدوڵڵا جێگرى سەرۆکى یەکێتییە:

هاتنەوەی جەژنی قوربانی پیرۆز، بەگەرمی لەتێکڕای موسوڵمانانی کوردستان بەتایبەتی و عیراق و جیهان بەگشتی پیرۆز دەکەم.

لەخوای گەورە داواکارم، ئەم جەژنە ببێتە مایەی خێروخۆشی لەتەواوی کوردستاندا و چارەسەرکردنی سەرجەم کێشە و ئاستەنگەکان و مایەی تەبایی زیاتری نێوان لایەنە سیاسیەکان و بوژانەوە و پێشکەوتنی وڵاتەکەمان بێت.

 کوردستان ئاوەدان و سەرفرازبێت، حەج و پەرستشی حاجیان، قبوڵ بێت و بەسەلامەتی بگەڕێنەوە، ئێوەش هەمیشە لەجەژن و شادیدابن.

PUKMEDIA