كڕیار و فرۆشیارێكی ماددەی هۆشبەر دەستگیر دەكرێن

لۆگۆی دەزگای ئاسایش

ئاسایش

بەڕێوەبەرایەتی گشتی نەهێشتنی ماددە هۆشبەرەكانی دەزگای ئاسایشی هەرێم، دەستی بەسەر بڕی دوو كیلۆگرام ماددەی هۆشبەر لەجۆری كریستاڵدا گرت و كڕیار و فرۆشیارێكی ماددەی هۆشبەریشی دەستگیر كرد.

لە راگەیەندراوێكی دەزگای ئاسایشی هەرێم كە كۆپییەكی دەست PUKMEDIA كەوتووە راگەیەندراوە: "رۆژی 3-6-2025، لەسنووری سلێمانی، بەڕێوەبەرایەتی گشتی نەهێشتنی ماددە هۆشبەرەكان، دوای كۆكردنەوەی زانیاری و بەدواداچوون، بەفەرمانی دادوەری لێكۆڵینەوەی ئاسایش، لەچالاكییەدا توانرا دوو بازرگانی ماددەی هۆشبەر دەستگیر بكەن و دەستیش بەسەر دوو كیلۆگرام ماددەی هۆشبەر لەجۆری كریستاڵ و چەكێكی بێمۆڵەت و دوو ئۆتۆمبێلدا بگرن، كە بۆ گواستنەوەی ماددەكە بەكارهاتبوون". 

ئەوەشخراوەتەڕوو: "لە ئێستادا بازرگانان بەبڕیاری دادوەر بەماددەی 25 لە یاسای بەرەنگاربوونەوەی ماددە هۆشبەرەكان و كارتێكارە ئەقڵییەكان راگیراون و لێكۆڵینەوە لەدۆسییەكانیان بەردەوامە".

PUKMEDIA