جێگری سەرۆکی یەکێتی بۆ پەروین بوڵدان: پشتیوانتانین

نووسینگەی راگەیاندنی جێگری سەرۆكی یەكێتی

رەفعەت عەبدوڵڵا جێگرى سەرۆکى یەکێتیى نیشتمانیى کوردستان

رەفعەت عەبدوڵڵا جێگرى سەرۆکى یەکێتیى نیشتمانیى کوردستان پەیامێکى پیرۆزبایى ئاراستەى پەروین بوڵدان بەبۆنەی دەستنیشانكردنی بە جێگری سەرۆكی پەرلەمانی توركیا کرد و رایگەیاند:  "دڵنیام بەئەزمون و لێوەشاوەییتان لەهەوڵی بێوچانت بۆ جێبەجێکردنی پڕۆسەی ئاشتی و چارەسەری بەردەوام دەبیت".

دەقى پەیامەکەى رەفعەت عەبدوڵڵا:

بەگەرمی و لەدڵەوە پیرۆزبایتان لێ ئەکەم، بەبۆنەی دەستنیشانکردنتان وەک جێگری سەرۆکی پەڕلەمانی تورکیا.

ئومێدەوارم لەم ئەرکە گرنگ و گەورەیەدا سەرکەوتووبن و دڵنیام بەئەزمون و لێوەشاوەییتان لەهەوڵی بێوچانت بۆ جێبەجێکردنی پڕۆسەی ئاشتی و چارەسەری بەردەوام دەبیت و فاکتەری چەسپاندنی ئاشتەوایی و لێکنزیکردنەوە و برایەتی زیاتر دەبیت.

خۆشحاڵین لەئەمڕۆدا، هەوڵە مێژووییەکەی سەرۆک مام جەلال لەڕابردودا، بۆ پرۆسەی ئاشتی گەشتۆتە سەرەتای  نەمانی توندوتیژی و هاتنەئارای ئاشتی سەرتاسەری، لەسەر رێبازو رێگەی سەرۆک مام جەلال، وەک هەمیشە پشتیوان و هاریکارتانین.

رەفعەت عەبدوڵڵا
جێگری سەرۆکی یەکێتیی نیشتمانیی کوردستان

PUKMEDIA