جێگری سەرۆکی هەرێم: لایەنەکان لە ژێر دروشمی یەکڕیزیی هەنگاوبنێن

نوسینگەی رۆژنامەوانی جێگری سەرۆکی هەرێم

شێخ جەعفەر شێخ مستەفا جێگری سەرۆکی هەرێمی کوردستان

جێگری سەرۆکی هەرێمی کوردستان، لە ساڵیادی دامەزراندنی کۆمەڵی دادگەریی کوردستان-دا، پەیامێکی پیرۆزبایی ئاڕاستە سەرۆک و ئەندامانی سەرکردایەتیی و کادر و لایەنگرانی کۆمەڵەکە دەکات و رایدەگەیەنێت:" ئومێدەوارم سەرجەم لایەنە سیاسییەکان لە ژێر دروشمی یەکڕیزی و پێکەوەیی هەنگاو بنێن بۆ بەدیهێنانی مافە رەواکانی گەلی کوردستان و پاراستنی ئەو دەستکەوتانەی کە بە قوربانیدان و خوێنی رۆڵەی هەزارەها شەهید هاتوونەتەبوون".

لەپەیامەکەدا، شێخ جەعفەر شێخ مستەفا جێگری سەرۆکی هەرێمی کوردستان رایگەیاند:" لە ساڵیادی دامەزراندنی کۆمەڵی دادگەریی کوردستاندا، پیرۆزباییەکی گەرم ئاراستەی عەلی باپیر سەرۆکی کۆمەڵی دادگەریی و ئەندامانی سەرکردایەتیی و گشت کادر و لایەنگرانی کۆمەڵەکە دەکەم و هیوای سەرکەوتنیان لە کاروباری رێکخراوەیی و حزبیدا بۆ دەخوازم".

ئاماژەوی بەوەشکرد:" لەم یادەدا ئومێدەوارم سەرجەم لایەنە سیاسییەکان لە ژێر دروشمی یەکڕیزی و پێکەوەیی هەنگاو بنێن بۆ بەدیهێنانی مافە رەواکانی گەلی کوردستان و پاراستنی ئەو دەستکەوتانەی کە بە قوربانیدان و خوێنی رۆڵەی هەزارەها شەهید هاتوونەتەبوون، هەروەها گفتووگۆکان بکرێن بە بنەمای چارەسەری ریشەیی بۆ ئەو ئاڵۆزییانەی کە لەبەردەم پڕۆسەی سیاسی لە عیراق و هەرێمەکەماندا بوونی هەیە، لەپێناو بەدیهێنانی ئاشتی و ئارامیی و خۆشگوزەرانی بۆ گەلی کوردستان".

PUKMEDIA