خوێندكارێكی زانكۆی گه‌رمیان سێهه‌می جیهانه‌

راگەیاندنی وەزارەتی خوێندنی باڵا و توێژینەوەی زانستیی

ره‌سوڵ له‌تیف عه‌بدولڕ‌ه‌حمان

خوێندكارێكی زانكۆی گه‌رمیان له‌پێشبڕ‌كێیه‌ك له‌سه‌ر ئاستی جیهان پله‌ی سێهه‌می به‌ده‌ستهێنا.

ره‌سوڵ له‌تیف عه‌بدولڕ‌ه‌حمان خوێندكاری چالاكی ئه‌كادیمیای هواوی له‌ زانكۆی گه‌رمیان، به‌نوێنه‌رایه‌تی كوردستان و عیراق و وڵاتانی ڕ‌ۆژهه‌ڵاتی ناوه‌ڕ‌است؛ به‌شداری له‌پێشبڕ‌كێی ساڵانه‌ی هواوی (Huawei ICT Competition 2025) له‌ وڵاتی چین كردو پله‌ی سێهه‌می له‌سه‌ر ئاستی جیهان به‌ده‌ستهێنا.

ره‌سوڵ له‌تیف به‌شداری تاقیكردنه‌وه‌ی تراكی كلاود (Cloud Track)ی كردبوو، كه‌ پێكدێت له‌ ته‌كنه‌لۆجیاكانی (Artificial Intelligence, Cloud Computing and Big Data)، تاقیكردنه‌وه‌كه‌ به‌شێوه‌ی پراكتیكی بوو، كه‌ بۆ ماوه‌ی (8) سه‌عات به‌رده‌وام بوو.

به‌شداربووان له‌ (120) تیم پێكهاتبوون، كه‌ له‌ (40) وڵاتی جیهانه‌وه‌ گه‌یشتبوونه‌ ئاستی گلۆباڵ له‌ وڵاتی چین.

پێشبڕ‌كێکه‌ له‌ڕ‌ۆژی (20 بۆ 24ـی ئایاری 2025) به‌ڕ‌ێوه‌چوو، ره‌سوڵ له‌تیف كه‌ خوێندكاری قۆناغی چواره‌مه‌ له‌به‌شی زانستی كۆمپیوته‌ری كۆلێجی زانستی زانكۆی گه‌رمیان، له‌چوارچێوه‌ی تیمێكدا كه‌ پێكهاتبوون له‌خوێندكارێكی زانكۆی گه‌شه‌پێدانی مرۆیی و به‌سه‌رپه‌رشتی مامۆستایه‌كی زانكۆی كۆیه‌، توانیان ببنه‌ براوه‌ی خه‌ڵاتی سێیه‌م.

PUKMEDIA