ستران عەبدوڵڵا: سیاسەتی نیشتمانیی ژیرانە هەر بە یەکێتی دەکرێت

PUKMEDIA

ستران عەبدوڵڵا

ئەندامێکی سەرکردایەتی یەکێتیی نیشتمانیی کوردستان رایدەگەیەنێت: "ئەمرۆ لە بەغدا پاکێجی ئیستحقاقەکانی کورد قاچوقوچی  تیا دەکرێت، هەندێک لەبەر ئەوەی هەر باوەڕیان وابووە، کە کورد جێی باوەڕ نین و شایانی هیچن و هەندێکیش روویان لە جەمسەرگیری هەڵبژاردنە و کەسابەتەکە لە کۆمەڵگەی لۆکاڵی خۆیان ئەوەیان لێ دەخوازێت بوعبوعی کوردستان گەورە نیشانبدەن".

ستران عەبدوڵڵا ئەندامی سەرکردایەتی یەکێتیی نیشتمانیی کوردستان لەوتارێکیدا کە لەبەشی بیروڕای وێبسایتی رەسمیی یەکێتیی نیشتمانیی کوردستان  PUKMEDIA  بە ناونیشانی (نابێ رێگە بە بۆشایی بدەین) بڵاوکراوەتەوە نووسیویەتی: "ئەمرۆ لە بەغدا پاکێجی ئیستحقاقەکانی کورد قاچوقوچی  تیا دەکرێ، هەندێک لەبەر ئەوەی هەر باوەڕیان وابووە، کە کورد جێی باوەڕ نین و شایانی هیچن و هەندێکیش روویان لە جەمسەرگیری هەڵبژاردنە و کەسابەتەکە لە کۆمەڵگەی لۆکاڵی خۆیان ئەوەیان لێ دەخوازێت بوعبوعی کوردستان گەورە نیشانبدەن، لە کوردستانیش دوو دەنگ زەقن و هەولێری گوتەنی (گارەکاری )دەکەن".

هەر لەوتارەکەدا ئاماژەی بەوەشکردووە: "زۆرینەی خەڵک لەگەڵ ئەوەن بە گفتوگۆ و رێککەوتن و پێداگری لەسەر ماف و داخوازییەکان  کێشەکان چارەسەر بکرێت، ئەمە خەباتێکی رۆژانەیە نەک هاتووهاواری کاتی لە کاتی ململانێی هەڵبژاردندا، ئەمە ئیشی هێزە دەربەستەکانی وەکو یەکێتییە کە رۆژانە کاری بۆ بکرێت و رای گشتی لەسەر کۆبکرێتەوە، ئیشی سیاسەتی نیشتمانیی ژیرانەیە کە هەر بە یەکێتیی دەکرێت".

PUKMEDIA