رەفعەت عەبدوڵڵا بۆ ئازادى لاوان: یەکێتى هەمیشە پشتیوانتانە

نوسینگەى راگەیاندنى جێگرى سەرۆکى یەکێتیى نیشتمانیى کوردستان

رەفعەت عەبدوڵڵا جێگری سەرۆکی یەکێتیی نیشتمانیی کوردستان

رەفعەت عەبدوڵڵا جێگری سەرۆکی یەکێتیی نیشتمانیی کوردستان بە بۆنەى 26هەمین ساڵیادى دامەزراندنى رێکخراوى ئازادى لاوان پەیامێکى پیرۆزبایى ئاراستەى سکرتێر و سکرتاریەتی رێکخراوەکە کرد و رایگەیاند: "بەهەمان گیانی بەرزی کارکردنەوە خەباتی رێکخراوەیتان درێژە پێ بدەن و یەکێتی نیشتیمانی کوردستانیش وەک هەمیشە بەردەوام دەبێت لە پشتگیری و پشتیوانیت".

دەقى پەیامەکە:

بەڕێزان سکرتێر و سکرتاریەتی ڕێکخراوی ئازادی لاوانی کوردستان

بەبۆنەی یادی دامەزراندنی ڕێکخراوەکەتانەوە گەرمترین پیرۆزبایتان لێ ئەکەم و بەهیوام ئەم یادە بۆ لاوانی کوردستان بکەن بە یادی کار و خەباتی هاوبەش و بە دیدو پڕۆژە و بەرنامەی نوێ وە خزمەتی لاوان بکەن.

هەڤاڵانی ئازادی لاوان، ئێوە لە رابردوودا خاوەنی پێگەو کاری جدی بوون بۆ داهاتووی لاوانیش پێویستە بەهەمان گیانی بەرزی کارکردنەوە خەباتی ڕێکخراوەیتان درێژە پێ بدەن و یەکێتی نیشتیمانی کوردستانیش وەک هەمیشە بەردەوام ئەبێت لە پشتگیری و پشتیوانیتان.

رەفعەت عەبدوڵڵا حەمەڕەش
 جێگری سەرۆکی یەکێتیی نیشتمانیی کوردستان

PUKMEDIA