بڕی 30 تۆن دەرمان و پێداویستی پزیشکی دەستیبەسەرداگیرا

راگەیاندنى بەڕێوەبەرایەتی گشتی ئاسایشى سلێمانى

کاتى لەناوبردنى دەرمان و پێداویستییە پزیشکیەکان

بەڕێوەبەرایەتی گشتی ئاسایشى سلێمانى دەستبەسەر  بڕى 30 تۆن دەرمان و پێداویستى پزیشکی ماوە بەسەرچوو و بێ کوالێتیدا دەگرێت.  

بەڕێوەبەرایەتی گشتی ئاسایشى سلێمانى لە راگەیەنراوێکدا کە کۆپیەکى دەست  PUKMEDIA کەوتوە، رایگەیاند: "لە رێگەی چاودێری لیژنە تایبەتەکانیەوە بڕی 30 تۆن دەرمان و  پێداویستی پزیشکی ماوە بەسەرچوو و بێ کوالێتی دەستیبەسەرداگیراوە".

لە راگەیەنراوەکەدا ئاماژە بە ئەوە دراوە: "دەزگای ئاسایشی هەرێم لە رێگەی چاودێری لیژنە تایبەتەکانیەوە بڕی 30 تۆن دەرمان و  پێداویستی پزیشکی ماوە بەسەرچوو و بێ کوالێتی دەستبەسەرداگیرا و بەشێوەیەکی زانستی لەناوبراوە، کە سەرجەم دەرمان و کەرەستە پزیشکییەکان بەشێوازێکی نەشیاو گواسترابوونەوە و کۆگا کرابوون و شیاوی بەکارهێنان نەبوون".

ئەوەشى خراوەتەڕوو: "رۆژی19ى5ى2025 بەبڕیاری دادوەر، بەشی دام و دەزگا و بەڕێوەبەرایەتی ئاسایشی راپەڕین، بەنوێنەرایەتی لیژنەیەک لە بەڕێوەبەرایەتی تەندروستی راپەڕین، سەرجەم دەرمان و کەرەستەکان بەشێوەیەکی زانستی لەناوبران".

PUKMEDIA