د.نەرمین: لەگەڵ پەسندكردنی بودجەی 2025 پلە بەرزكردنەوە دەستپێدەكاتەوە

PUKMEDIA

د. نەرمین مەعروف، ئەندامی لیژنەی دارایی ئەنجومەنی نوێنەران

لەبارەی بڕیاری پلە بەرزكردنەوەی مووچەخۆران روونكردنەوە دەدرێت و ئەندامێكی لیژنەی دارایی ئەنجومەنی نوینەرانیش رایدەگەیەنێت: "ئەو نووسراوەی وەزارەتی دارایی عیراق، بۆ دەستپێكردنەوەی پلەبەرزكردنەوە و سەرەمووچەی فەرمانبەران ئاڕاستەی فەرمانگەكانی كردووە، بۆ دەستپێكردنەوەی پلەبەرز كردنەوە نییە، بەڵكو بۆ زانینی خەرجییەكەیەتی، بەڵام هەركاتێك ئەنجومەنی نوێنەران بودجەی 2025 ی پەسندكرد پلەبەرزكردنەوە دەستپێدەكاتەوە".

د. نەرمین مەعروف، ئەندامی لیژنەی دارایی ئەنجومەنی نوێنەرانی عیراق لە فراكسیۆنی یەكێتیی نیشتمانیی كوردستان رایگەیاند: "وەزارەتی دارایی عیراق، بۆ دەستپێكردنەوەی پلەبەرزكردنەوە و سەرەمووچەی فەرمانبەرانی عیراق نووسراوێكی ئاڕاستەی فەرمانگەكان كردووە، بەڵام ئەوە بە مانای دەستپێكردنەوەی پلەبەرز كردنەوە نایەت، بەڵكو بۆ زانینی خەرجی پلەبەرزكردنەوە و سەرەمووچەیە، تاكو بزانرێت تێچووی دەستپێكردنەوەی پلەبەرزكردنەوە و سەرەمووچە چەند پارەی پێویستە و لە بودجەی ئەمساڵدا چەندی بۆ تەرخانبكرێت".

راشیگەیاند: "ئێستا پلەبەرزكردنەوەی فەرمانبەران لە عیراق و هەرێمی كوردستان راگیراوە، بەڵام هەركاتێك ئەنجومەنی نوێنەران خشتەكانی بودجەی 2025 ی پەسند كرد پلەبەرزكردنەوە دەستپێدەكاتەوە".

PUKMEDIA