عیماد ئەحمەد و سەركەوت زەكی: یەكێتی بكەینە وێستگەیەكی بەهێزتر

PUKMEDIA

كۆبوونەوەی هەردوو مەكتەبی راگەیاندن و هۆشیاری و رێكخستن، بە سەرپەرشتی عیماد ئەحمەد و سەركەوت زەكی

بە سەرپەرشتی عیماد ئەحمەد، سەركەوت زەكی هەردوو مەكتەبی راگەیاندن و هۆشیاری و رێكخستن كۆبوونەوە و لە كۆبوومەوەكەدا كە لەتیف نێروەیی لێپرسراوی بۆردی راگەیاندن و نەجمەدین فەقێ لێپرسراوی بۆردی هۆشیاری ئامادەبوون، گفتوگۆ لەبارەی هەماهەنگی و هاریكاری هاوبەش لەنێوان هەردوو مەكتەب كراو جەخت لە جێبەجێكردنی ئەرك و بەرپرسیارێتییە رێكخراوەیی و پیشەییەكان كرایەوە، لەپێناو گەشەپێدانی چۆنایەتی لە پەیام و گوتاری میدیایی و ئاڕاستە سیاسییەكان .

لەبەشێكی تری كۆبوونەوەكە ئامادەكارییەكان بۆ یادی یوبیلی زێڕینی یەكێتیی نیشتمانیی كوردستان تاوتوێكراو دووپات لە رێكخستنی یادێكی شایستە بە مێژوو، پێگە و 50 ساڵ خەباتی بەردەوام و تێكۆشانی یەكێتی لە كۆڕی كوردایەتیدا كرایەوە و چەندین پڕۆژە گەڵاڵە و پێشنیاركران بۆ سەرۆك و مەكتەبی سیاسی بۆ گفتوگۆكردن و بڕیاردان لەبارەیانەوە.

هاوكات عیماد ئەحمەد لێپرسراوی مەكتەبی راگەیاندن و هۆشیاری و سەركەوت زەكی لێپرسراوی مەكتەبی رێكخستن، تەئكیدیان لە یەكخستنی هەوڵ و پێشنیاری سەرجەم ئۆرگان و دامەزراوەكانی یەكێتی و خێراتركردنی ئامادەكارییەكان و رەخساندنی زەمینەی گونجاوتر و كاركردنی پێكەوەیی، لەپێناو گەیاندنی پەیامی راشكاوانە و نیشتمانییانەی یەكێتی كردەوە و دواشیانكرد، هەموو هەڤاڵانی یەكێتی لە هەموو ئاستەكاندا بە گڕوتینی یەكێتیانەوە بەشداربن و بەشێكی گرنگبن لە جۆشدانەوەی گیانی یەكێتی بوون و رۆحی سەرۆك مام جەلال و شەهیدان بۆ هەمیشە شادتر بكەن و یەكێتی بكەنە وێستگەیەكی بەهێزتر بۆ كوردستانێكی بەهێزتر و ئاوەدانتر.

PUKMEDIA