لیستی مووچەی مانگی نیسان بڵاوكرایەوە

PUKMEDIA

پارەی عیراقی

وەزارەتی دارایی حكومەتی هەرێم، لیستی مووچەی مانگی نیسانی فەرمانبەران و مووچەخۆرانی هەرێمی بڵاوكردەوە و بەگوێرەی خشتەكەش بە سێ رۆژ مووچەی سەرجەم مووچەخۆران دابەشدەكرێت.

 ئەمڕۆ 13-5-2025، وەزارەتی دارایی حكومەتی هەرێم، لیستی مووچەی مانگی نیسانی فەرمانبەران و مووچەخۆرانی هەرێمی بڵاوكردەوە و بەگوێرەی خشتەكەش سبەینێ چوار شەممە 14-5-2025، دەست بەدابەشكردنی مووچەی مانگی نیسان دەكرێت و رۆژی یەك شەممە 18-5-2025 كۆتایی بەدابەشكردنی مووچە دێت". 
 
ئەمەش لەكاتێكدایە،  ئەمڕۆ سێ شەممە، دارایی عیراق بۆ مووچەی مانگی نیسانی مووچەخۆرانی هەرێم، بڕی (959,514,000,000) نۆ سەد و پەنجا و نۆ ملیار و پێنج سەد و چواردە ملیۆن دیناری وەك شایستەی مووچەی فەرمانبەران و مووچەخۆرانی هەرێمی كوردستان خستە سەر هەژماری بانكی وەزارەتی دارایی و ئابووری هەرێمی كوردستان لەلقی هەولێری بانكی ناوەندی عیراق.

PUKMEDIA