خۆڵبارین دەستپێدەكاتەوە

ميدياكان

شەپۆلی خۆڵبارین لە عیراق

كەشناسی عیراق پێشبینی دەستپێكردنەوەی خۆڵبارین و دابەزینی پلەكانی گەرما و باران بارین لە هەرێم و ناوچەكانی دیكەی عیراق دەكات.

لە راگەیەندراوێكی دەستەی كەشناسی عیراق كە كۆپییەكی دەست PUKMEDIA كەوتووە راگەیەندراوە: "ئەمڕۆ 11-5-2025، بەهۆی كاریگەری شەپۆلێكی پەستان نزم كە لە ئەفریقاوە روو لە عیراق دەكات، لە هەندێك لە ناوچەكانی هەرێمی كوردستان بە تایبەت لەپارێزگای دهۆك لە هەندێك كاتدا ئاسمان هەور دەبێت و لە هەندێك لە ناوچەكانیش بارانێكی كەم دەبارێت، كاریگەری ئەو كەشەش لە كاتەكانی شەودا دەگاتە هەولێر و سلێمانی و كەركوك".

ئاماژە بەوەشدراوە: "لە ناوچەكانی دیكەی عیراق لە ئێوارە و شەودا ئاسمان دەگۆڕێت بۆ هەور، رۆژی دوو شەممەش پلەكانی گەرما چەند پلەیەك دادەبەزن و شەپۆلی خۆڵبارین دەستپێدەكاتەوە".

PUKMEDIA