تایخوێنبه‌ربوون له‌كه‌ركوك كۆنترۆڵ ده‌كرێت و له‌دهۆك سه‌رهه‌ڵده‌دات

Science Direct

سوڕی توشبوون بە نەخۆشی تایخوێنبەربوون

یه‌كه‌م حاڵه‌تی گیانله‌ده‌ستدان به‌هۆی تایخوێنبه‌ربوونه‌وه‌ له‌هه‌رێمی كوردستان له‌پارێزگای دهۆك تۆماركراو له‌پارێزگای كه‌ركوكیش كۆنترۆڵی په‌تاكه‌ ده‌كرێت.

 له‌ڕ‌اگه‌یه‌نراوێكدا به‌ڕ‌ێوه‌به‌رایه‌تی ته‌ندروستی دهۆك هه‌واڵه‌كه‌ی پشتڕ‌استكرده‌وه‌و رایگه‌یاند:"توشبوویه‌كی تایخوێنبه‌ربوون له‌پارێزگای دهۆك به‌هۆی كاریگه‌ری په‌تاكه‌وه‌ گیانیله‌ده‌ستدا، كه‌ ژنێكی ته‌مه‌ن 45 ساڵانه‌ و خه‌ڵكی شیلادزێی سه‌ر به‌شارۆچكه‌ی ئامێدییه‌".

هاوكات به‌پێی راگه‌یاندراوی ته‌ندروستی كه‌ركوك:"پێشتر 5 حاڵه‌تی تایخوێنبه‌ربوون له‌پارێزگاكه‌ تۆمار كراوه‌و چوار له‌توشبووه‌كان گیانیانله‌ده‌ستداوه‌و دانه‌كه‌ی دیكه‌ش دوێنێ هه‌ینی به‌ته‌ندروستییه‌كی باشه‌وه‌ نه‌خۆشخانه‌ی جێهێشتووه‌".

ته‌ندروستی كه‌ركوك ئه‌وه‌شی خستوه‌ته‌ڕوو:" له‌ئێستادا هیچ حاڵه‌تێكی تایخوێنبه‌ربوون له‌ پارێزگاكه‌ بوونی نه‌ماوه‌ له‌ژێر كۆنترۆڵدایه‌و تیمه‌كانیشمان به‌رده‌وامن له‌رێنمایی و بڵاوكردنه‌وه‌ی زانیاری بۆ دووركه‌وتنه‌وه‌ له‌توشبوون به‌په‌تاكه‌".

ئه‌مه‌ش له‌كاتێكدایه‌ به‌پێی راگه‌یه‌نراوی وه‌زاره‌تی ته‌ندروستی هه‌رێم، رۆژی 2ی5ی2025، یه‌كه‌م حاڵه‌تی توشبوون به‌تایخوێنبه‌ربوون له‌هه‌رێم تۆماركراوه‌، كه‌ له‌ كۆیه‌ بووه‌و له‌ئێستادا له‌ژێر چاودێری پزیشكیدایه‌، هه‌روه‌ها دووه‌م حاڵه‌ت ئه‌و ژنه‌ بووە كه‌ له‌پارێزگای دهۆك گیانیله‌ده‌ستداوه‌".

PUKMEDIA