سەرۆککۆماری عیراق پیرۆزبایی لەپاپای نوێی ڤاتیکان دەکات

نوسینگەی رۆژنامەوانی سەرۆککۆمار

د.لەتیف رەشید سەرۆککۆماری عیراق

د.لەتیف رەشید سەرۆککۆماری عیراق بەبۆنەی هەڵبژاردنی رۆبەرت فرانسیسی ئەمریكی، بە پاپای نوێی ڤاتیكان پەیامێکی پیرۆزبایی ئاڕاستەکرد و رایگەیاند:"هیوای سەرکەوتنی بۆ دەخوازم لە جێبەجێکردنی ئەرکە مرۆڤدۆستانە گەورەکەی بۆ سەرکەوتن لە پێناو ئاشتی و چەسپاندنی بەهاکانی پێکەوەژیانی ئاشتیانە لە نێوان گەلانی هەموو جیهاندا".

دەقی  پەیامەکە...

پیرۆزبایی گەرمی دڵسۆزانە ئاراستەی پاپا لیۆ چواردەهەم دەکەم drprevost‬ بەبۆنەی هەڵبژاردنی وەک گەورەی قەشەکان و پاپای کڵێسای کاسۆلیکی و هیوای سەرکەوتنی بۆ دەخوازم لە جێبەجێکردنی ئەرکە مرۆڤدۆستانە گەورەکەی بۆ سەرکەوتن لە پێناو ئاشتی و چەسپاندنی بەهاکانی پێکەوەژیانی ئاشتیانە لە نێوان گەلانی هەموو جیهاندا.

‏هەروەها شانازی زۆر بەپەیوەندی نزیکی نێوان عێراق و ڤاتیکان دەکەین و پەرۆشی خۆمان بۆ پتەوکردنی هاریکاری و کاری هاوبەش دوپات دەکەینەوە که ببێته هۆی سەقامگیری و ئاسایش و پێکەوەژیان و نەهێشتنی شەڕ و ململانێکان له جیهاندا.

PUKMEDIA