ترەمپ داوای ئاگربەستی یەک مانگیی لە روسیا و ئۆکرانیا دەکات

NBC NEWS

دۆناڵد ترەمپ سەرۆکی ئەمریکا

روسیا و ئۆکرانیا بۆ چەند رۆژێک ئاگربەستیان راگەیاندووە، دۆناڵد تره‌مپ سه‌رۆكی ئه‌مریكاش داوای ئاگربه‌ستی بێ مه‌رج له‌ نێوانیان دا دەکات و هه‌ڕه‌شه‌ی سه‌پاندنی سزای زیاتر له‌سه‌ر هه‌ر لایه‌نێك دەکات، كه‌ ئاگربه‌سته‌كه‌ پێشێل بكات.

دۆناڵد تره‌مپ له‌په‌یامێكدا دەڵێت: "دانوستانه‌كان له‌گه‌ڵ روسیا و ئۆكرانیا به‌رده‌وامن، وەک رێگەچارەیەکی سەرەتایی ئه‌مریكا داوای ئاگربه‌ستی بێ مه‌رج بۆ ماوه‌ی 30 رۆژه دەکات".

سەرۆکی ئەمریکا هیواخوازە  ئاگربه‌ستێكی قبوڵكراو بپارێزرێت و دەڵێت:"ئه‌گه‌ر  هەر لایەنێک پابه‌ندی ئاگربه‌ست نەبێت، واشنتن و هاوبه‌شه‌كانی سزای زیاتر ده‌سه‌پێنن".

PUKMEDIA