سەرۆک وەزیرانی عیراق دەچێتە تورکیا

نووسینگەی رۆژنامەوانی محەمەد شیاع سودانی سەرۆک وەزیرانی عيراق

محەمەد شیاع سودانی سەرۆک وەزیرانی عيراق

محەمەد شیاع سودانی سەرۆک وەزیرانی عيراق، بۆ بەشداریکردن لە کۆبوونەوەکانی ئەنجومەنی باڵای عيراق و تورکیا بۆ هاوکاریی ستراتیژی،  بەرەو ئەنقەرەی پایتەختی تورکیا بەڕێکەوت.

نووسینگەی رۆژنامەوانی سەرۆک وەزیران رایگەياند: "سەردانەکەی محەمەد شیاع سودانی سەرۆک وەزیران بۆ ئەنقەرە، بۆ بەشداریکردنی ئەنجومەنی باڵای عیراق و تورکیایە بۆ هاوکاری ستراتیژی و ئەمڕۆ 8-5-2025، بەرەو ئەنقەرە بەڕێکەوت".

رۆژی 22-4-2024، محەمەد شیاع سودانی سەرۆك وەزیرانی عیراق  و رەجەب تەیب ئەردۆغان سەرۆك كۆماری توركیا، لە بەغدا رێككەوتننامەی چوارچێوەی ستراتیژی نێوان هەردوو وڵاتیان ئیمزا كرد كە نەخشەڕێگایەكە بۆ هاوبەشییەكی ئابووری گشتگیر لەنێوان هەردوو وڵاتدا.

هاوكات هەردوولا ژمارەیەك یاداشتنامەی لێكتێگەیشتن و رێككەوتننامەیان لەبوارە جیاجیاكانی نێوان عیراق و توركیادا ئیمزاكرد كەبریتین لە:

1 - رێككەوتننامەی چوارچێوەی ستراتیژی نێوان حكومەتی عیراق و كۆماری توركیا.

2 - یاداشتنامەی چوارچێوەی رێككەوتننامەی هاوكاری لە بواری ئاو لە نێوان حكومەتی عیراق و كۆماری توركیا.

3 - یاداشتنامەی لێكتێگەیشتن بۆ پڕۆژەی پەرەپێدانی رێگا لەنێوان وەزارەتی گواستنەوە و گواستنەوە و ژێرخانی توركیا.

4 - یاداشتنامەی لێكتێگەیشتن بۆ پێكهێنانی لیژنەی هاوبەشی بازرگانی ئابووری (JETCO) لەنێوان وەزارەتی بازرگانی عیراق و توركیا.

5- رێككەوتنی هاندان و پاراستن و ئاڵوگۆڕی وەبەرهێنان لەنێوان دەزگای نیشتمانی وەبەرهێنان و وەزارەتی پیشەسازی و تەكنەلۆژیا.

6 - یاداشتنامەی لێكتێگەیشتن لەنێوان فیدراسیۆنی ژوورە بازرگانییەكانی عیراق و ئەنجومەنی پەیوەندییە ئابوورییەكانی دەرەوەی توركیا.

7 - یاداشتنامەی لێكتێگەیشتن بۆ هاوكاری تەكنیكی، زانستی و ئابووری لە بواری كۆمپانیا بچووك و مامناوەندەكان، لەنێوان وەزارەتی پیشەسازی و وەزارەتی پیشەسازی و تەكنەلۆژیای توركیا.

8 - یاداشتنامەی لێكتێگەیشتن لە بواری مەشقی سەربازی نێوان وەزارەتی بەرگری عیراق و توركیا.

9 - یاداشتنامەی لێكتێگەیشتن سەبارەت بە راهێنان و هاوكاری لە بواری تەندروستی سەربازی لە نێوان وەزارەتی بەرگری عیراق و توركیا.

10 - یاداشتنامەی لێكتێگەیشتن بۆ هاوكاری ستراتیژی نێوان كۆمیسیۆنی پیشەسازی سەربازی و سكرتاریەتی پیشەسازی بەرگری توركیا.

11 - یاداشتنامەی لێكتێگەیشتن بۆ هاوكاری ئەمنی نێوان وەزارەتی ناوخۆی عیراق و توركیا.

12 - یاداشتنامەی لێكتێگەیشتن لە نێوان پەیمانگای خزمەتگوزاری دەرەوە و پەیمانگای توركیا بۆ لێكۆڵینەوەی ستراتیژی و نێوان وەزارەتی دەرەوەی عیراق و توركیا.

13 - یاداشتنامەی لێكتێگەیشتن بۆ هاوكاری لە بواری لاوان و وەرزشدا لە نێوان وەزارەتی وەرزش و لاوانی عیراق و توركیا.

14 - یاداشتنامەی لێكتێگەیشتن بۆ هاوكاری لە بواری تەندروستی و زانستە پزیشكییەكان لە نێوان وەزارەتی تەندروستی عیراق و توركیا.

15 - پلانی گروپی كاری كشتوكاڵی بۆ ماوەی 2024-2025 لەنێوان وەزارەتی كشتوكاڵی عیراق و توركیا.

 16 - یاداشتنامەی لێكتێگەیشتن بۆ توێژینەوەی زانستی و تەكنەلۆژیا لە نێوان وەزارەتی خوێندنی باڵا و توێژینەوەی زانستی و ئەنجومەنی توێژینەوەی زانستی و تەكنەلۆژیای توركیا.

17 - یاداشتنامەی لێكتێگەیشتن بۆ هاوكاری لە بواری پەروەردەدا لە نێوان وەزارەتی پەروەردەی عیراق و توركیا.

18 - یاداشتی لێكتێگەیشتن لە بواری هاوكاری گەشتوگوزاری نێوان وەزارەتی رۆشنبیری و گەشتوگوزار و شوێنەوارەكان و وەزارەتی گەشتوگوزاری توركیا.

19 - یاداشتنامەی لێكتێگەیشتن لە بواری دامەزراندن و ئاسایشی كۆمەڵایەتی لە نێوان وەزارەتەكانی كار و كاروباری كۆمەڵایەتی عیراق و توركیا.

20- یاداشتنامەی لێكتێگەیشتن لە بواری كاروباری كۆمەڵایەتی و خێزان لە نێوان وەزارەتی كار و كاروباری كۆمەڵایەتی و وەزارەتی خێزان و خزمەتگوزارییەكانی توركیا.

21 - یاداشتنامەی لێكتێگەیشتن لەسەر بەڵگەنامە و ئەرشیفەكانی حكومەت لە نێوان وەزارەتی رۆشنبیری و ئەرشیفی حكومەتی توركیا.

 22 - یاداشتنامەی لێكتێگەیشتن لە بواری ئاسایشی بەرهەم و بەربەستە تەكنیكیەكانی بەردەم بازرگانی، لەنێوان وەزارەتی پلاندانان و وەزارەتی بازرگانی توركیا.

23 - یاداشتنامەی لێكتێگەیشتن لە كاروباری ئایینی لە نێوان مەكتەبی وەوقفی سوننە و سەرۆكایەتی كاروباری ئایینی توركیا.

24 - یاداشتنامەی لێكتێگەیشتن سەبارەت بە هاوكاری لە بواری راهێنانی دادوەری بۆ قوتابیان و دادوەران و یاریدەدەران و داواكاری گشتی لە نێوان پەیمانگای دادوەری عیراق و ئەكادیمیای دادوەری توركیا.

25 - یاداشتنامەی لێكتێگەیشتن لە بواری كارەبا لە نێوان وەزارەتی كارەبا و وەزارەتی وزە و سامانە سروشتییەكانی توركیا.

26 - یاداشتنامەی لێكتێگەیشتن لە بواری راگەیاندن و پەیوەندییەكان لە نێوان كۆمیسیۆنی راگەیاندن و گەیاندن و سەرۆكایەتی توركیا بۆ پەیوەندییەكان.


PUKMEDIA