پێداویستی رووبەرووبوونەوەی تایخوێنبەربوون بۆ کەرکوک دابیندەکرێت

ئاژانسەکان

رووبەڕووبنەوەى تایخوێنبەربوون

ئیدارەی کەرکوک هەوڵی کۆنتڕۆڵکردنی تای خوێنبەربوون دەدات و وەفدێکى وەزارەتی تەندروستی عیراقیش ئەمڕۆ سەردانی شارەکەی کرد و بەڵێنی  دابینکردنی پێداویستییەکانیدا.

دکتۆر ریاز عەبدولئەمیر ئەلحەلفی، بەڕێوەبەری تەندروستی گشتی لە وەزارەتی تەندروستی عیراق سەردانى شارى کەرکوکی کرد و رایگەیاند: "وەزارەتی تەندروستی گرنگییەکی زۆر بە پرسی کۆنتڕۆڵکردنی تای خوێنبەربوون دەدات و کار بۆ دابینکردنی هەموو پێداویستییە پێویستەکان بۆ فەرمانگەی تەندروستی کەرکوک دەکات".

ئەمەش لەکاتێکدایە ئیدارەی کەرکوک بۆ رووبەرووبوونەوەی پەتاکە کۆمەڵێک رێنمایی دەرکردووە و رێکاری پێویستی گرتووەتەبەر، بۆنموونە، هاوردە و هەناردەی ئاژەڵیان بۆ ماوەی 21 رۆژ قەدەغەکردووە، هاوکات هەڵمەتی رشاندنی هەموو قەزا و ناحیەکان دەستیپێکردووە و سەربڕینی ئاژەڵیان لەسەر شەقامەکان قەدەغەکردووە.

بەهۆی تایخوێنبەربوونەوە چوار کەس لەپارێزگای کەرکوک گیانیان لەدەستداوە و شەش کەسی دیکەش تووشبوون.

PUKMEDIA