تەندروستی سلێمانی نەشتەرگەری لابردنی چەوری قەدەغە دەکات

ئاژانسەکان

بەڕێوەبەرایەتی گشتی تەندروستی سلێمانی

بەفەرمانی بەڕێوبەری گشتی تەندروستی سلێمانی نەشتەرگەری لابردنی چەوری ورگ و نەشتەرگەری تایبەت بە دابەزاندنی كێش لەهەموو نەخۆشخانە حكومی و ئەهلییەكان راگیرا.

لە نوسراوێكی بەڕێوەبەری گشتی تەندروستی سلێمانیدا کە وێنەیەکی بۆ PUKMEDIA نێردراوە هاتووە:"د.سەباح نەسرەدین بەڕێوبەری گشتی تەندروستی سلێمانی بڕیاریدا بەڕاگرتنی هەموو جۆرە نەشتەرگەرییەکی لابردنی چەوری ورگ و نەشتەرگەری تایبەت بەدابەزاندنی كێش لەهەموو نەخۆشخانە حكومی و ئەهلییەکاندا بۆ ماوەیەكی كاتی، تاوەكو بە هەماهەنگی سەندیكای پزیشكانی كوردستان و كۆمەڵە پزشیكییەكان رێنمایی نوێی تایبەت بەو جۆرە نەشتەرگەرییانە دەردەكرێن".

" بەپێچەوانەوە رێكاری یاسایی بەرامبەر سەرپێچیكار دەگیرێتەبەر"، لەنووسراوەکەدا هاتووە.

PUKMEDIA