خانمی یەكەم جەخت لەبەهێزكردنی پەیوەندییەكانی نێوان عیراق و ژاپۆن دەكاتەوە

راگەیاندنی شاناز ئیبراهیم ئەحمەد خانمی یەكەمی عیراق

شاناز ئیبراهیم ئەحمەد خانمی یەكەمی عیراق و باڵیۆزی ژاپۆن لە عیراق

شاناز ئیبراهیم ئەحمەد خانمی یەكەمی عیراق ئەمڕۆ لە شاری سلێمانی  پێشوازیكرد لە باڵیۆزی ژاپۆن لە عیراق ئاكیرا ئیندۆ و وەفدی یاوەری .
 
لەسەرەتای كۆبوونەوەكەدا كە سارا لەتیف رەشید سەرۆكی رێكخراوی مناڵپارێزی كوردستان ئامادەی بوو  ستایشی هەوڵەكانی كرد بۆ پەرەپێدانی پەیوەندییەكانی نێوان هەردوو وڵاتی دۆست.
 
شاناز ئیبراهیم ئەحمەد جەختی لەسەر گرنگی بەهێزكردنی هاوكاری و هەماهەنگی لە بوارە رۆشنبیری و مرۆییەكاندا كردەوە بەشێوەیەك كە یارمەتیدەر بێت بۆ پاراستنی پەیوەندی و لێكنزیكبوونەوە لەنێوان گەلانی عیراق و ژاپۆن.
 
سەرۆكی رێكخراوی منداڵپارێزی  كوردستان  سارا لەتیف رەشید  باسی له هەوڵەكان كرد له پێناو بەهێزكردنی سیستمی پاراستنی منداڵان و بنیاتنانی ژینگەیەك كه ژیانێكی ئارامیان بۆ دابین بكات.
 
لای خۆیەوە باڵیۆز ئاكیرا ئیندۆ پلانەكانی وڵاتەكەی بۆ بەرەوپێشبردنی پەیوەندییەكان و هاریكاری هاوبەشی نێوان هەردوو وڵات خستەروو بەتایبەتی لەبوارەكانی پەروەردە و كەرتە گرنگەكانی دیكەدا كە بەشێوەیەكی كاریگەر بەشداری دەكەن لەبەدیهێنانی ئامانجەكانی گەشەپێدان و سەقامگیری و خۆشگوزەرانی وڵاتدا.
 
لەكۆتایی كۆبوونەوەكەدا خانمی یەكەم و وەفدی ژاپۆنی سەردانی یەكێك لەبازاڕە بەناوبانگەكانی شاری سلێمانییان كرد كه گوزارشت له مێژووی كورد دەكات.

PUKMEDIA