ئاسیاسێڵ سیستەمی پشتگیریكردنی كارەكان BSS ی بە سەركەوتوویی نوێكردەوە

كۆمپانیای ئاسیاسێڵ

ئاسیاسێڵ

ئاسیاسێڵ سیستەمی پشتگیریكردنی كارەكان (BSS)ی بە سەركەوتوویی نوێكردەوە و پابەندییەكانی بە پێشخستنی تۆڕەكەی و باشتركردنی ئەزموونی بەكارهێنەران دووپاتدەكاتەوە.

لەڕاگەیەندراوێكی كۆمپانیای ئاسیاسێڵ كەكۆپییەكی بۆ PUKMEDIA نێردراوە راگەیەندراوە: "بە سەركەوتنێكی گەورەوە كۆتاییهاتنی نوێكردنەوەی گشتگیر و پێشكەوتووی سیستەمی پشتگیریكردنی كارەكان (BSS) رادەگەنێن، وەك بەشێك لە پلانی ستراتیژی وەرچەرخانی دیجیتاڵی و بەرزكردنەوەی ئامادەیی تەكنیكی بۆ خزمەتكردنی ملیۆنەها بەشداربوو بە بەرزترین و فراوانترین ئاستی دیجیتاڵی بێ كەموكوڕی، بۆ ئەو مەبەستەش رۆژی 11ـی نیسان، لە پێناو گەرەنتیكردنی بەردەوامبوونی خزمەتگوزاری و كاریگەری نەخستنەسەر بەشداربووان، ئاسیاسێڵ دەرفەتی بەخشییە سەرجەم بەشداربووانی كە دەستیان بە خزمەتگوزاری ئینتەرنێت و پەیوەندی بێبەرامبەر و بێ كۆنترۆڵ بگات، ئاسیاسێڵ ئەمەی لە ئەنجامی راستەوخۆی پلانێكی تەكنیكی تۆكمەوە جێبەجێكرد بۆ كۆتایهێنان بە كاری نوێكردنەوەكە بێ گیروگرفت و گەرەنتیكردنی لە كارداهێشتنەوەی خزمەتگوزاریەكان و نەپچراندنی پەیوەندی".

كۆمپانیای ئاسیاسێڵ گرنگترین تایبەتمەندییەكانی سیستەمی پشتگیریكردنی كارەكان (BSS) پاش نوێكردنەوەكەشی بڵاوكردووەتەوە كە بریتییە لە:
• پلاتفۆرمێكی یەكگرتوو و پۆلێنی جیاواز:

سیستەمەكە ڕووماڵی گشتگیر بۆ سەرجەم بەشداربووان لە تاكەكان و هەروەها كۆمپانیاكان دابین دەكات و خزمەتی بەشداربووانی هێڵەكانی پریپەید و پۆستپەید دەكات لە رێگای رووكارێكی كارپێكردنی یەكگرتووەوە كە دەبێتە هۆكاری كەمكردنەوەی ئاڵۆزی و بەرزكردنەوەی كارامەیی.

● خێرایی خستنەبەردەستی تازەترین ئۆفەرەكان (Time To Market):

ئاسیاسێڵ، لەمەودوا دەتوانێت خزمەتگوزاری بازرگانی لە چەند كاتژمێرێكی كەمدا بخاتەبەردەست، ئەمەش دەبێتە هۆی پتەوكردنی تواناكانی بۆ داهێنان و وەڵامدانەوەی خێرا بۆ داواكاری و پێداویستییەكانی بازاڕ.

● ژێرخانێكی گونجاو و پاڵپشتیكراو بە ژیری دەستكرد:

سیستەمە نوێیەكە پشت بە ژێرخانی Cloud-native دەبەستێت كە بە یەكەی زیرەك بۆ پرۆسێسكردن و شیكردنەوەی داتا، كە یارمەتیدەرە بۆ فراوانبوونی توانا تەكنیكییەكان بە سانایی و پارێزگاریكردن لە بەرزترین ئاستی كارایی.

● دیدگای بێ كەموكوڕی بۆ بەرێوەبردنی خزمەتگوزاری بەشداربوو (360 پلە):

سیستەمەكە ئەزموونی بێخەوشی بەكارهێنان لە رێگای كۆكردنەوەی زانیارییەكانی پسوڵە، گواستنەوە، بەرێوەبردنی پەیوەندی بەشداربووان (CRM) و بەرێوەبردنی ڤاوچەرەكان و بەشەكانی تر لە یەك سیستەمدا كە رێگا خۆشدەكات بۆ پشتگیریكردنی وەڵامدانەوە بەشێوازێكی خێراتر و وردتر.

● كارامەیی بەرزتری كارپێكردن:

سیستەمە نوێیەكە كارامەیی ئاسیاسێڵ بەرزتر دەكاتەوە بۆ پێشكەشكردنی خزمەتگوزاری متمانەپێكراوتر، ئەم هەنگاوە بنەڕەتییە بۆ پەرەپێدانی كارە ناوخۆییەكان و باشتركردنی بەرێوەبردنی دیجیتاڵی بۆ كۆمپانیا ئەژماردەكرێت. 

هاوكات عامر سونناع، بەڕێوەبەری جێبەجێكاری ئاسیاسێڵ دووپاتیكردەووەتەوە: "كە نوێكردنەوەی سیستەمی پشتگیری كارەكان بەشێكە لە پابەندبوونە بەردەوامییەكانی بۆ بنیاتنانی داهاتوویەكی دیجیتاڵی بێ كەموكوڕی لە عێراق و  پتەوكردنی ئەو ژێرخانەی كە خزمەتی نزیكەی 20 ملیۆن بەشداربوو دەكات، هەروەها وا لە سێكتەرە ئابوورییە جیاوازەكان دەكات بگەنە چارەسەری تەكنیكی متمانەپێكراو و پێشكەوتوو".

راشیگەیاندووە: "ئەمڕۆ بەبۆنەی سەركەوتنێكی ستراتیژییەوە ئاهەنگ دەگێڕین كە شوێنی ئاسیاسێڵ پتەوتر دەكات لە پێشەنگی وەرچەرخانی دیجیتاڵیدا، نوێكردنەوەی سیستەمی پشتگیری كارەكان (BSS)، پابەندییەكانمان دەچەسپێنێت بۆ پێشكەشكردنی خزمەتگوزاری پێشكەوتوو و ئامادەیی تەواومان دەسەلەمێنیت بۆ خستنەبەردەستی نەوەی پێنجەم (5G) كە ئەزمونێكی خێراتر و زیرەكتر دەخاتە بەردەستی بەشداربووانمان."

هاوكات ئاسیاسێڵ پابەندی خۆی بۆ پێشەنگایەتی بواری پەیوەندییەكان و وەرچەرخانی دیجیتاڵی دووپاتدەكاتەوە لەعیراق. ئەوەش لە رێگای وەربەهێنان لە نوێترین تەكنۆلۆجیاكان و پێشكەشكردنی تاقیكردنەوەی داهێنەرانە كە داواكارییەكانی بازار پڕبكاتەوە و بەشداری لە بەرەوپێشبردنی رەورەوەی ئابووی دیجیتاڵیدا بكات.

PUKMEDIA