مامۆستا زاهیر عەلی: لای سەرۆك مام جەلال هونەرمەندان سەروەتی نیشتمانی بوون

مەكتەبی سكرتارییەتی سەرۆك مام جەلال

سەردانی وەفدی مەكتەبی سكرتارییەت بۆلای هونەرمەند زاهیر عەلی

وەفدی مەكتەبی سكرتارییەتی سەرۆك مام جەلال لەسلێمانی سەردانی هونەرمەندو ئەكتەری دیاری بواری نواندن و شانۆ زاهیر عەلی محەمەدی كرد.

لەو سەردانەدا وەفدی مەكتەبی سكرتارییەت لە تەندروستی مامۆستا زاهیر عەلی-ی پرسییەوە كە بەهۆی تێكچوونی باری تەندروستی و ئەنجامدانی نەشتەرگەری بۆی و هیوای سەلامەتی و تەندروست باشی هەمیشەیی بۆخواست . 

وەفدی مەكتەبی سكرتارییەت، پێزانینی بۆ رابردووی پڕ لەكارو بەرهەمە بەپێزەكانی زاهیر عەلی وەك هونەرمەندو ئەكتەرێكی دیارو سەركەوتووی بواری شانۆ و دراماكان دەربڕی كە توانیوویەتی بەكارە ناوازەكانی جێی خۆی بكاتەوەو خزمەتێكی زۆری هونەری كوردی بكات و ئومێدشی خواست ئازایانە ئەم قۆناغەش بەسەركەوتوویی تێپەڕێنێ و بەتەندروست باشییەوە بگڕێتەوە ناو كایەی هونەری .

لەبەرامبەردا مامۆستا زاهیر عەلی وێڕای خۆشحاڵی بەم سەردانە، روونی كردەوە بەسەركردنەوەی چین و توێژەكان یەكێكە لەئاكارەكانی  سەرۆك مام جەلال كە بەبایەخەوە لە هونەرمەندانی دەڕوانی وەك سەروەتێكی نیشتمانی سەیری دەكردین ئەم هەنگاوانەی مەكتەبی سكرتارییەت مایەی پێزانینمانەو درێژەدانە بەڕێبازەی سەرۆك مام جەلال.

PUKMEDIA