قوباد تاڵه‌بانی: ئێزدییه‌كان به‌شێكی گرنگ و دانه‌بڕ‌اوی گه‌لی كوردستانن

PUKMEDIA

قوباد تاڵه‌بانی جێگری سه‌رۆكوه‌زیرانی هه‌رێم

جێگری سه‌رۆكوه‌زیرانی هه‌رێمی كوردستان به‌بۆنه‌ی سه‌ری ساڵی ئێزدیی پیرۆزبایی له‌ ئێزدییه‌كان ده‌كات و ئاماژه‌ بۆ ئه‌وه‌ده‌كات: "ئه‌ركی حكومه‌تی هه‌رێم و هه‌موو هێز و لایه‌نه‌ سیاسییه‌كانه‌ به‌ هاوبه‌شی كاربكه‌ن بۆ ئاوه‌دانكردنه‌وه‌ی شنگال و ناوچه‌ ئێزدییه‌كانی دیكه‌ و دابینكردنی ژیانێكی ئارام و ئاسووده‌ بۆ خوشك و برایانی ئێزدیی".

قوباد تاڵه‌بانی جێگری سه‌رۆكوه‌زیرانی هه‌رێمی كوردستان رایگه‌یاند: "به‌بۆنه‌ی چارشه‌مباسۆر (سه‌ری ساڵی ئێزدیی) گه‌رمترین پیرۆزبایی له‌ خوشك و برایانی ئێزدیی ده‌كه‌م و هیوای رۆژانێكی جه‌ژنی پڕ‌ له‌ خۆشی و ئارامییان بۆ ده‌خوازم".

ئه‌وه‌شده‌خاته‌ڕوو: "ئێزدییه‌كان به‌شێكی گرنگ و دانه‌بڕ‌اوی گه‌لی كوردستانن، هه‌ر بۆیه‌ ئه‌ركی حكومه‌تی هه‌رێم و هه‌موو هێز و لایه‌نه‌ سیاسییه‌ كوردستانییه‌كان و نوێنه‌رانی كورده‌ له‌ به‌غدا به‌ هاوبه‌شی كاربكه‌ن بۆ ئاوه‌دانكردنه‌وه‌ی شنگال و ناوچه‌ ئێزدییه‌كانی دیكه‌ و دابینكردنی ژیانێكی ئارام و ئاسووده‌ بۆ خوشك و برایانی ئێزدیی".

PUKMEDIA