سەرۆككۆمار: هەوڵەكان بۆ دەستەبەركردنی بەرژەوەندییە گشتییەكان یەكبخرێنەوە

راگەیاندنی سەرۆككۆماری عیراق

پێشوازی سەرۆككۆماری عیراق لە مستەفا كازمی

د.لەتیف جەمال رەشید سەرۆككۆماری عیراق، ئەمڕۆ دووشەممە 7 ی نیسانی 2025 لە كۆشكی بەغدا، پێشوازی لە مستەفا كازمی سەرۆكوەزیرانی پێشوو كرد.

لەدیدارەكەدا دۆخی سیاسی و ئەمنی و ئابووری وڵات و ناوچەكە   تاوتوێكران.

سەرۆككۆمار جەختی لەگرنگی یەكخستنی هەوڵەكان و نزیككردنەوەی بۆچوونی هێزە سیاسییەكان كردەوە، بەمەبەستی خزمەتكردن بە پڕۆسەی ئاوەدانكردنەوە و سەقامگیری وڵات و دەستەبەركردنی بەرژەوەندییە گشتییەكانی گەل.

لەلای خۆیەوە مستەفا كازمی، سوپاسی خۆی بۆ پەرۆشی سەرۆككۆمار و گرنگیدانی بە ئاسایش و سەقامگیری عیراق و عیراقییەكان دەربڕی .

PUKMEDIA