بوومەرلەرزە 21 جار لە هەرێمی کوردستان روویداوە

PUKMEDIA

بوومەلەرزە

لەمانگی ئاداری رابردوو 74 جار بوومەلەرزە لە عیراقی داوە و کە بەرزترین پلەیان گەیشتووەتە 5.1 پلەی رێختەر و زۆرترین بوومەلەرزەش لەو ژمارەیە لە سنووری پارێزگای سلیمانی بوون کە 17 جاربووە.

بەشی چاودێری بومەلەرزەزانی دەستەی گشتی کەشناسی وەزارەتی گواستنەوەی عیراق لە نوێترین راپۆرتی مانگانەیدا ئاشکرایدەکات:" لەمانگی ئاداردا 74 حاڵەتی بوومەلەرزە لە عیراق تۆمارکراوە و لەو ژمارەیە 46 بوومەلەرزەیان لە ناوخۆی عیراق بوون و 28ی دیکەیان لەدەرەوەی سنووری عیراق بوون و کاریگەری لەرزەی لەسەر عیراق هەبووە لەوانە 21 جار بوومەلەرزە لەدوز و کفری و خانەقین تۆمارکراوە. (23) بوومەلەرزە لە ناوخۆی ئێران (کرماشان، لوڕستان، کوردستان، خوزستان، ئیلام و هتد)، هاوکات نزیک سنوورەکانی لەگەڵ عیراق و 3 بوومەلەرزەی دیکەش لە لە ناو تورکیا (ڤان، هەکاری) و نزیک سنوورەکانی لەگەڵ عیراق تۆمارکراوە،  1 بوومەلەرزە لە سوریا و 1 بوومەلەرزەش لەسەر سنووری سعودیە و کوێت بووە".

بەگوێرەی بەدواداچوونی PUKMEDIA لە بارەی راپۆرتەکەوە، لەو 74 بوومەلەرزەیەی لە عیراق تۆمارکراوە و زۆرترین بوومەلەرزە لە سنووری پارێزگاکانی هەرێمی کوردستان بوون، کە 17 جار لە سلێمانی و 2 جار لە هەولێر و 2 جار لە دهۆک بوون.

بەپێی راپۆرتەکە کە ئاماری مانگی ئاداری ئەمساڵە بەهێزترین پلەیان 5.1 پلەی رێختەر و کەمترینیشیان یەک پلەی بووە و لەو 74 بوومەلەرزەیەی عیراق ، 17 بوومەلەرزە لە پارێزگای سلێمانی لە (دوکان، کەلار، چەمچەماڵ) تۆمارکراون و  (2) بوومەلەرزە لە پارێزگای هەولێر و  (2) بوومەلەرزەش لەزاخۆ و سیمێلی سنووری پارێزگای دهۆک بووە.

PUKMEDIA