پزیشكیان جێگرەكەی بەهۆی ئەنجامدانی گەشتێكی گرانبەهاوە دووردەخاتەوە

ئاژانسی هەواڵی تسنیم

شەهرام دەبیری و هاوسەرەكەی لەبەردەم كەشتییەكدا

مەسعود پزیشكیان سەرۆككۆماری ئیسلامی ئێران، یەكێك لە جێگرەكانی بەهۆی ئەنجامدانی گەشتێكی گرانبەهاوە دوورخستەوەو دەڵێت: "هەر كەسێك بە پارەیەكی زۆر تەنانەت هی خۆشی بێت گەشت بكات، دەری دەكەم".

میدیاكانی ئێران، وێنەیەكی شەهرام دەبیری جێگری سەرۆككۆماری وڵاتەكەیان بڵاوكردەوە كەلەبەردەم كەشتییەكدا گرتوویانەو نیشانەیەكی لەسەر ناوی كەشتییەكە بۆ جەمسەری باشوور، لەبەرامبەردا مەسعود پزیشكیان سەرۆككۆماری ئیسلامی ئێران، شەهرام دەبیری دوورخستەوە، بەهۆی ئەوەی لە كاتی نەورۆزدا، لەگەڵ هاوسەرەكەی گەشتێكی گرانبەهایان بۆ جەمسەری باشوور كردووەو نووسینگەی سەرۆككۆمار گەشتەكەی شەهرام دەبیری بە "بێ پاساو و قبوڵ نەكراو بە لەبەرچاوگرتنی تەحەداكانی ئابووری بەردەوام" لە ئێران وەسف كردووە.

پزیشكیان لەبەیاننامەیەكدا سەبارەت بەدوورخستنەوەی  دەبیری  رایگەیاندووە: "هەر كەسێك بە پارەیەكی زۆر تەنانەت ئەگەر هی خۆشی بێت گەشت بكات، دەری دەكەم".

وێنەكەی شەهرام دەبیری و هاوسەرەكەی لەبەردەم ئێم ڤی پلانسیوس وەستاون كە بەرەو جەمسەری باشوور دەڕۆیشت لەتۆڕە كۆمەڵایەتییەكان بڵاوبووەوەو ناڕەزایی لە ئێران لێكەوتەوە.

PUKMEDIA