داهاتی مانگی ئاداری سلێمانی 3 ملیار دینار كەمی كردووە

PUKMEDIA

داشبۆردی شەفافیەت

داهاتی مانگی ئاداری سلێمانی لەڕۆژی 25-2-2025 تا 25-3-2025، 58 ملیارو 954 ملیۆن و792 هەزارو 370 دینارە و بەراورد بە مانگی شوبات 3 ملیار دینار كەمی كردووە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان، داهاتی یەك مانگی راگەیاندووە بەشێوەیەك، داهاتی مانگی ئادار لەڕۆژی 25-2-2025 تا 25-3-2025، 58 ملیارو 954 ملیۆن و792 هەزارو 370 دینارە كە 90% بەشێوەی نەختینە و %10 بەشێوەی چەكە، لەكاتێكدا داهاتی سلێمانی لەمانگی شوباتدا 62 ملیارو 804 ملیۆن و 827 هەزارو 383 دینار بووە، بەمەش بەراورد بە مانگی رابردوو داهاتی سلێمانی 6.13% واتا 3 ملیار دینار كەمی كردووە.

هاوكات داهاتی هەفتەی رابردووی سلێمانی لەڕۆژی 22-3-2025 تا 28-3-2025، 8 ملیارو 727 ملیۆن و 389 هەزارو 70 دینار بووە كە 100% بەشێوەی نەختینە بووە و بەراورد بەهەفتەی رابردوو نزیكەی 5 ملیار دینار كەمیكردووە.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پڕۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافییەت www.shafafiat.com بڕیارە هەموو رۆژێك داهاتی ئەو شوێنانە بڵاوبكرێتەوە.

PUKMEDIA