فراکسیۆنی یەکێتی رۆڵی ژاپۆن لەپاڵپشتیکردنی مۆزەخانەی سلێمانی بەرزدەنرخێنێت

راگەیاندنی فراکسیۆنی یەکێتی لەئەنجومەنی نوێنەرانی عیراق

بەشێک لەئەندامانی ئەنجومەنی نوێنەرانی عیراق و وەفدێکی ژاپۆن

رۆژی 26-3-2025 هەرێم کەمال ئاغا و د. کەریم شکور سەرۆک و جێگری فراکسیۆنی یەکێتی  چاویانکەوت بە وەفدی  باڵیۆزخانەی وڵاتی ژاپۆن  لە عیراق بەسەرۆکایەتی باڵیۆز ئاکیرائیندۆ و وەفدی ئاژانسی ژاپۆن بۆ هاوکاری وهەماهەنگی نێودەوڵەتی  (جایکا) نیشادا یوئۆشی جێگری سەرۆکی دەزگای جایکا. 

لەئێوارە خوانێکدا کە بۆ وەفدی وڵاتی ژاپۆن رێکخرابوو، هەریەک لە دیلان غەفور سەرۆکی لێژنەی پەیوەندیەکانی دەرەوە لە ئەنجومەنی نوێنەران و  د. نەرمین مەعروف ئەندامئ ئەنجومەنی نوێنەرانی عیراق ئامادەیبوون، لە بارەی پەیوەندییە سیاسی و ئابوری و رۆشنبیریی نێوان کۆماری عیراق و ژاپۆن گفتوگۆ کرا. 

 هاوکات فراکسیۆنی یەکێتی، سوپاسی وەفدی باڵیۆزخانەی ژاپۆنیان کرد لە پای پێشکەشکردنی مینحەیەکی هاوکاری بە بڕی 700 هەزار دۆلار  بۆ پەرەپێدانی مۆزەخانەی سلێمانی، هەروەها هەوڵەکانی وەزیری دەرەوەی عیراق و لێژنەی پەیوەندیەکانی دەرەوەی پەرلەمانیان بەرز نرخاند لە پای زامنکردنی خەرجکردنی مینحەی پەرەپێدانی مۆزەخانەی سلێمانی.

PUKMEDIA