چاوەڕواندەکرێت پێش جەژن بەغدا مووچە بنێرێت

PUKMEDIA

دراوی عیراقی

چاوەڕواندەکرێت پێش هاتنی جەژنی رەمەزان بەغدا مووچەی مانگی ئازاری فەرمانبەرانی هەرێم بنێرێت و وردبینیکردن لەلیستەکەدا بەردەوامە، ئەندامێکی خولی پێشووی ئەنجومەنی نوێنەران-یش دەڵێت:" چاوەڕواندەکرێت لە دوو رۆژی داهاتوودا وردبینییەکە تەواو بکرێت و بەوپێیەی گۆرانکاریی گەورە لەلیستەکەدا نەکراوە، پێناچیت هیچ کێشەیەک بۆ ناردنی مووچە دروستبکرێت".

شیروان میرزا ئەندامی لیژنەی دارایی خولی پێشووی ئەنجومەنی نوێنەرانی عیراق بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند:"لیستی مووچەی مانگی ئازاری فەرمانبەرانی هەرێمی کوردستان نێردراوە بۆ بەغدا و وردبینی دەستیپێکردووە و چاوەڕواندەکرێت لە دوو رۆژی داهاتوودا وردبینییەکە تەواو بکرێت و بەوپێیەی گۆرانکاریی گەورە لەلیستەکەدا نەکراوە، پێناچیت هیچ کێشەیەک بۆ ناردنی مووچە دروستبکرێت".

" ئەگەر بەغدا تەرازوی پێداچوونەوە و داهاتی نانەوتی کە تا ئێستا بەبڕەکەی رازی نییە، نەکاتە کێشە ئەوا دوای تەواوبوونی وردبینی راستەوخۆ مووچە دەنێرێت"، شیروان میرزا وایوت.

PUKMEDIA