نوێنەران کۆدەبێتەوە و یاسا کێشە لەسەرەکەش لەکارنامەدایە

PUKMEDIA

بینای ئەنجومەنی نوێنەران

ئەنجومەنی نوێنەرانی عیراق کۆدەبێتەوە و یەکێک لەبڕگەکانیش یاسای حەش*دی شەعبیە، کە هۆکاری پەکخستنی دانیشتنەکانی پەرلەمانە. 

بەپێی کارنامەی دانیشتنەکە کە 7 بڕگەیە و بڕیارە رۆژی دووشەممە 24-3-2025 پەرلەمانی عیراق دەست بە کۆبوونەوەکانی بکاتەوە. 

لەکارنامەکەدا هاتووە:" لە کۆبوونەوەکەدا  خوێندنەوەی یەکەم بۆ چەند پرۆژە یاسایەک دەکرێت و دەنگ لەسەر پرۆژە یاساییەکی دیکەش دەدرێت، یەکێک لەو پرۆژە یاسایانەی خوێندنەوەی یەکەمی بۆ دەکرێت، پرۆژەی خزمەت و خانەنشینی حەش*دی شەعبییە کە لە 18 ماددە پێکهاتووە و لەماوەی رابردوودا بەهۆی ناکۆکی هێزە شیعەکانەوە لەسەری، کارەکانی پەرلەمان پەکی کەوت".

یاسای خزمەت و خانەنشینیی حەشدی شەعبی، کێشەی لەنێوان سەرکردەکانی چوارچێوەی هەماهەنگی دروست کردووە، هەندێکیان لەگەڵ ئەوەن بەزوویی تێپەڕێنرێت، هەندێکی دیکەشیان تێبینیان لەسەری هەیە، چونکە بەگوێرەی پرۆژەکە، چوار هەزار ئەفسەر و فەرماندەی حەشد خانەنشین دەبن.

دانیشتنەکەی نوێنەران خراوەتە سەعات 8:00 ی ئێوارەی دووشەممە 24ی3ی2025.

PUKMEDIA