بەهەوڵی پەرلەمانتارێکی یەکێتی 5 هەزار نەمام پێشکەشی رانیە کرا

ئەرشیف

دەڤەری راپەرین

لەسەر داوای پەرلەمانتارێکی فراکسیۆنی یەکێتی لەئەنجومەنی نوێنەرانی عیراق،  ٥ هەزار نەمام گەیشتە دەڤەری راپەڕین و بەسەر سەرجەم شارەوانییەکانی ناوچەکەدا دابەشکران.

بەدریە حسێن ئەندامی فراکسیۆنی یەکێتی لەئەنجومەنی نوێنەرانی عیراق بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند:" دوای داواکارییەکان بەندە ٥ هەزار نەمام لەلایەن وەزیری ژینگەی عیراقەوە بۆ دەڤەری راپەڕین دابینکرا، کە تەنها چەند نەمامێک نین، بەڵکو بەشێکن لە پڕۆژەیەکی گەورەتر بۆ پاراستنی ژینگە و جوانکردنی ناوچەکە."

" لەمەراسیمێکدا نەمامەکانمان بەسەر شارەوانییەکاندا دابەشکردووە، هاوکارت لە کاتێکدا جیهان رووبەڕوی گۆڕانی کەش و هەوا بووەتەوە، ئەم هەوڵانە دەتوانن رۆڵێکی گرنگ ببینن لە کەمکردنەوەی کاریگەرییە نەرێنییەکان، هەر بۆیە داوا لە هاووڵاتیانی ناوچەکە دەکەم بەشداریبکەن هاوکاری شارەوانییەکان بکەن لە چاندن و پاراستنیان"، بەدریە حسێن وایوت.

PUKMEDIA