بەدوو رۆژ 30 وەزارەت و دەستە و دامەزراوەی هەرێم مووچە وەردەگرن

PUKMEDIA

دراوی عیراقی

ئەمڕۆ و سبەی 30 وەزارەت و دەستە و دامەزراوە مووچەی مانگی شوباتی ئەمساڵ وەردەگرن و زۆرترین وەزارەت و دامەزراوەش ئەمڕۆ 17/3 مووچە وەردەگرن کە ژمارەیان 22 وەزارەتە.

دوای دابەشکردنی تەواوی مووچەی دامەزراوەکان بڕیارە هەمان لیستی مانگی شوبات، رەوانەی بەغدا بکرێت  تاوەکو  پێش جەژنی رەمەزان مووچەی مانگی ئازاریش دابەش بکرێت و سەرچاوە دارایی و حکومییەکانی هەرێم تەئکیدیان لەم میکانیزم و هەنگاوە کردووەتەوە و لە میدیاکانەوە بڵاویانکردوەتەوە، تاوەکو لە وەزارەتی دارایی عیراقەوە کێشە بۆ لیستی مووچە دروست نەبێت.


بەگوێرەی خشتەی دابەشکردنی مووچەی مانگی شوبات کە وەزارەتی دارایی حکومەتی هەرێم بڵاویکردەوە، لە رۆژی پێنجشەمە 13-3ەوە دەستی بەدابەشکردنی مووچەی مانگی شوبات کردووە و  ئەمڕۆ 23 وەزارەت و دەستە مووچە وەردەگرن و سبەی کۆتایی بە پرۆسەی دابەشکردنی مووچە دێت و 11 وەزارەت و دەستە و سەرۆکایەتی دیکە مووچە وەردەگرن.

بەپێی خشتەکەی وەزارەتی دارایی هەرێم ئەمڕۆ ئەم وەزارەت و دەستانە مووچەی مانگی شوبات وەردەگرن:

1-  وەزارەتی کاروباری شەهیدان و ئەنفالکراوان
2-  وەزارەتی پەروەردە
3-  وەزارەتی دارایی و ئابووری
4-  وەزارەتی ئاوەدانکردنەوە و نیشتەجێکردن
5-  وەزارەتی تەندروستی
6-  وەزارەتی داد
7-  وەزارەتی سامانە سروشتییەکان
8-  وەزارەتی پیشەسازی و بازرگانی
9-  وەزارەتی ناوخۆ
10-  وەزارەتی پلاندانان
11-  وەزارەتی گواستنەوە و گەیاندن
12-  وەزارەتی کشتوکاڵ و سەرچاوەکانی ئاو
13-  وەزارەتی شارەوانی و گەشت و گوزار
14-  دەستەی دەستپاکی
15-  دەستەی وەبەرهێنان
16-  دەستەی ژینگە
17-  دەزگای مین
18-  ناوچەکانی دەرەوەی هەرێم
19-  کۆمسیۆنی هەڵبژاردنەکان
20-  دیوانی چاودێری دارایی
21-  دەستەی مافی مرۆڤ
22-  ئەنجومەنی دادوەری.

هەروەک سبەینێ سێشەممە 18-3 ، ئەم 11 شوێنە مووچەی مانگی شوبات وەردەگرن کە بریتین لە :

1-  وەزارەتی کارەبا
2-  وەزارەتی ئەوقاف و کاروباری ئاینی
3-  وەزارەتی خوێندنی باڵاو توێژینەوەی زانستی
4-  سەرۆکایەتی پەرلەمان
5-  سەرۆکایەتی ئەنجومەنی وەزیران
6-  سەرۆکایەتی هەرێم
7-  وەزارەتی پێشمەرگە (دیومان و لیواکان)
8-  یەکەکانی 70 و 80
9-  بەڕێوەبەرایەتی پۆلیسی دامودەزگا نەوتییەکان
10-  ئەنجومەنی ئاسایش و دەزگای ئاسایش
11-  هێزی زێرەڤانی و فەرماندەی بەرگری و فریاکەوتن.

لەرۆژانی رابردووشدا هەریەک لە ( خانەنشینی شارستانی، خاوەن پییداویستی تایبەت، زیندانییە سیاسییەکان و بەرکەوتووانی چەکی کیمیاوی، کەسوکاری شەهیدان و ئەنفالکراون، خانەنشینی پێشمەرگە) لە روژانی 13 و 16ی ئادار مووچەیان وەرگرت.

PUKMEDIA