یادی كارەساتی كیمیابارانكردنی هەڵەبجە دەكرێتەوە
کوردستان 01:22 PM - 2025-03-16
PUKMEDIA
مەراسیمی ساڵیادی كارەساتی كیمیابارانكردنی هەڵەبجە
ئەمڕۆ 16ی 3ی 2025، كە 37 ساڵ بەسەر كارەساتی كیمیابارانكردنی شاری هەڵەبجەدا تێدەپەڕێت، مەراسیمێكی شایستە بۆ ئەو بۆنە خەمناكە لە مۆنۆمێنتی شەهیدانی هەڵەبجە بەدروشمی خواستەكانی هەڵەبجە، ئاوەدانی، تەبایی، دادپەروەری سازكرا، كە سەرەتای مەراسیمەكە بە ساتێك وەستان بۆ گیانی پاكی شەهیدانی هەڵەبجە و سەرجەم شەهیدانی كوردستان دەستیپێكرد.
پاشان چەند ئایەتێك لە قورئانی پیرۆز پێشكەش بە رۆحی شەهیدانی هەڵەبجە كرا، دواتر نوخشە ناسح پارێزگاری هەڵەبجە بەوەكالەت وتەیەكی پێشكەشكردو رایگەیاند: "داوا لەدەسەڵاتدارانی عیراق دەكەین، هەڵەبجە لە ململانێی سیاسیی دەربهێنن و بەیاسا بە پارێزگای بكەن و وەك كەیسێكی مرۆڤانە لێی بڕوانن، چونكە هەڵەبجە نموونەی جینۆسایدی نەتەوەیەكی بێكەسەو پێویستە بەجینۆساید بناسێندرێت".
راشیگەیاند: "لەسەر حكومەتی عیراق پێویستە لەسەر بنەمای ئەو وێرانكارییەی بەسەر هەڵەبجەدا هاتووە بودجەیەكی تایبەتی بۆ تەرخان بكات و ئاوەدانی بكاتەوەو هەرچی زووە قەرەبووی ماددی و مەعنەوی خەڵكی هەڵەبجەو كەسوكاری شەهیدان و بەركەوتووانی چەكی كیمیایی بكاتەوە".
وتیشی: "داوادەكەین پێداویستییەكانی نەخۆشخانەی بەركەوتووانی چەكی كیمیایی هەڵەبجە پڕبكرێنەوەو ئامێرو دەرمانی پێویست و تیمی تایبەتی پزیشكی لەدەرەوە بۆ بهێندرێت و بەركەوتووانی چەكی كیمیایی بۆ چارەسەر ببرێنە دەرەوەی وڵات، بەجددی كار لەسەر كەیسی منداڵە ونبووەكانی هەڵەبجە بكرێت و بەخانەوادەكانیان شادبكرێنەوە".
پارێزگاری هەڵەبجە بەوەكالەت وتیشی: "پێویستە مووچەی كەسوكاری شەهیدان هاوتای عیراق بكرێتەوەو هانی وەبەرهێنەران بدرێت پڕۆژەكان لەهەڵەبجە بەكار بخەن و هەلی كاری زیاتر بۆ دانیشتووانی هەڵەبجە بڕەخسێندرێت".
ئەمڕۆ 37 ساڵ بەسەر كارەساتی كیمیابارانكردنی هەڵەبجەدا تێپەڕدەبێت كە رۆژی 16-3-1988 رژێمی لەناوچوو كیمیابارانی شاری هەڵەبجەی كردو پێنج هەزار كەس لە منداڵ و ژن و پیاو و پیر و گەنج شەهیدبوون، ژمارەیەكی زۆریش ئاوارەی سنوورەكانی ئێران بوون، ئەمە جگە لەوەی چەندین كەس بەو چەكە برینداربوون و تا ئێستاش بە ئازارەكانیانەوە دەناڵێنن.
PUKMEDIA
هەواڵی زیاتر
-
بەرهەمهێنانی گازی سروشتی بۆ وێستگەكانی كارەبا دەستپێدەکاتەوە
05:35 PM - 2025-11-29 -
ئەحمەد میرە: میدیا سیخوڕەکان هەوڵی ناشرینکردنی سلێمانی دەدەن
03:44 PM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
11:13 AM - 2025-11-29 -
دوو كهشتی لهدهریای رهش تهقینەوە
10:19 AM - 2025-11-29
ئەمانەش ببینە
خۆپیشاندانەکەی هەولێر بریندار و کوژراوی لێدەکەوێتەوە
02:36 PM - 2025-11-29
دابهشكردنی مووچهی مانگی ئهیلول راگهیهندرا
02:14 PM - 2025-11-29
هێرشهكهی كۆرمۆر و كاردانهوهكان
12:32 PM - 2025-11-29
مووچەی مانگی ئەیلوول بۆ هەرێم نێردرا
11:25 AM - 2025-11-29
زۆرترین خوێنراو
-
چەخماخ لێدە، چراکەم هەڵنەکردووە...
بیروڕا 01:49 PM - 2025-11-29 -
هێرشهكهی كۆرمۆر و كاردانهوهكان
کوردستان 12:32 PM - 2025-11-29 -
مووچەی مانگی ئەیلوول بۆ هەرێم نێردرا
کوردستان 11:25 AM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
جیهان 11:13 AM - 2025-11-29 -
دوو كهشتی لهدهریای رهش تهقینەوە
جیهان 10:19 AM - 2025-11-29 -
بارانبارین ههرێمی كوردستان و عیراق دهگرێتهوه
عیراق 09:49 AM - 2025-11-29 -
رووی (سیا)ی میدیای چەواشە لە دۆسیەی كۆرمۆردا
بیروڕا 11:10 PM - 2025-11-28 -
لەسەر ڕاسپاردەی مەڵبەندی ڕاپەڕین موەلیدەکانی سنوورەکە کەوتنەوە کار
کوردستان 10:47 PM - 2025-11-28






.jpg)
دابەزێنە

