لەسەر داوای نوێنەرێكی یەكێتی هەزاران نەمام لەهەڵەبجە دەڕوێندرێن

PUKMEDIA

مۆنيومێنتی شەهیدانی هەڵەبجە و پەیکەری عومەری خاوەر

لەسەر داوای ئەندامێكی فراكسیۆنی یەكێتی لەئەنجومەنی نوێنەرانی عیراق، وەزیری ژینگەی عیراق بڕی 30 هەزار نەمام بۆ پارێزگای هەڵەبجەو دەوروبەری دەنێرێت.

چرۆ حەمەشەریف ئەندامی ئەنجومەنی نوێنەرانی عیراق لە فراكسیۆنی یەكێتی لە لێدوانێكدا بەوێبسایتی رەسمی یەكێتیی نیشتمانیی كوردستان PUKMEDIA ی راگەیاند: "ئەمڕۆ 13-3-2025، لەسەر داوای ئێمەو لەلایەن وەزیری ژینگەی عیراقەوە، بڕی 30 هەزار نەمام گەیەندرانە پارێزگای هەڵەبجەو بڕیارە لەناو سەنتەری پارێزگاكەو دەوروبەری بڕوێندرێن".

"بەشێك لە نەمامەكان بەردارن بۆ ئەوەی هاووڵاتیان سوودی لێببینن و بەشێكی دیكەشیان نەمامی رازاندنەوەن و تەمەنیشیان بۆ رواندن و گەشەكردن گونجاوە" چرۆ حەمەشەریف وایوت.

راشیگەیاند :هەر لەسەر داوای من و بەمەبەستی فراوانكردنی رێژەی سەوزایی هەڵەبجە، ساڵی رابردووش 30 هەزار نەمامی دیكە بۆ پارێزگای هەڵەبجە نێردران".

هاوكات هەر ئەمڕۆ پێنج شەممە، كارەكانی پڕۆژەی دەروازەی هەڵەبجە پێش وادەی خۆی تەواودەبێت كە ساڵێك پێش ئێستاو لەساڵیادی كارەساتی هەڵەبجەدا لەسەر داوای هەمان پەرلەمانتاری یەكێتی، سەرۆكوەزیرانی عیراق بڕی دوو ملیار دیناری بۆ جێبەجێكردنی پڕۆژەكە تەرخانكرد.

PUKMEDIA