ئەمریکا لەسەر تاوان و پێشێلکارییەکانی سوریا هاتەدەنگ

ئەرشیف

ئاڵای ئەمریکا

ئەمریکا لەسەر توندوتیژی و تاوانەکانی سوریا هاتەدەنگ و وێرای پشتیوانی بۆ پێکهاتەکان لە ناویاندا کورد و دروز و مەسیحییەکان، داوا دەکات لێپرسینەوە لە ئەنجامدەرانی تاوانەکان بکرێت. 

ماركۆ رۆبیۆ وەزیری دەرەوەی ئەمریكا  رایدەگەیەنێت :" ئەمریكا بە توندی ئەو هێرش و پەلامارە تیرۆریستیانە ئیدانە دەكات كە لەلایەن گروپە ئیسلامییە توندڕەوەكان و جیهادییە بیانییەكانەوە لە سوریا کراون و بەهۆیەوە ژمارەیەكی زۆر خەڵكی مەدەنی لە رۆژئاوای سوریا کوژراون". 


وەزیری دەرەوەی ئەمریکا لە بەیاننامەیەکدا تەئکید لە پشتیوانی واشنتۆن دەکاتەوە بۆ كەمینە ئاینی و نەتەوەییەكانی سوریا، بە تایبەت مەسیحی، دروز، عەلەوی و كورد. 

وەزیری دەرەوەی ئەمریكا داوا لە دەسەڵاتدارانی كاتی سوریا دەکات بەپەلە لێكۆڵینەوە لەم كۆمەڵكوژییانە بكات و دەڵێت:" لێپرسینەوەی یاسایی لە ئەنجامدەرانی تاوانەکانی دژ بە كەمینەكان  بکەن". 

بەپێی داتا و زانیارییەکانی روانگەی سوریا بۆ مافەكانی مرۆڤ کە ئەمڕۆ ئاشکرایکرد :" زیاتر لە هەزار کەس لە چوار رۆژی رابردوودا لە سویا کوژراون، کە زۆرینەیان هاوڵاتی مەدەنی و بێچەک بوون". 

PUKMEDIA