لە ئەنجومەنی نوێنەران ئیمزا بۆ بە پارێزگا بوونی هەڵەبجە کۆدەکرێتەوە

PUKMEDIA

چرۆ حەمە شەریف ئەندامی ئەنجومەنی نوێنەران ئیمزا کۆدەکاتەوە

هەوڵەکانی فراکسیۆنی یەکێتی لە ئەنجومەنی نوێنەرانی عیراق بۆ بە پارێزگابوونی هەڵەبجە بەردەوامە و پەرلەمانتارێکیش دەڵێت:" زیاتر لە سەر ئیمزام کۆکردۆتەوە بۆئەوەی دەنگدان بە پڕۆژە یاساکە بخرێتە بەرنامەی کارەوە".

چرۆ حەمە شەریف ئەندامی ئەنجومەنی نوێنەرانی عیراق لە فراکسیۆنی یەکێتی لە روونکردنەوەیەکیدا کە کۆپییەکی بۆ PUKMEDIA نێردراوە، رایدەگەیەنێت:" وەکو نوێنەری هەڵەبجە لەڕێکەوتی 15/1/2025 کە ساڵی نوێ و دەستپێکی وەرزی نوێی یاسادانان بووە لەپەرلەمانی عێراق ، بەندە لەیەکەم دانیشتندا ئیمزای 120پەرلەمانتارم کۆکردەوە، پێشکەشی سەرۆکایەتی پەرلەمانی عێراقم کردووە، بۆئەوەی دەنگدان بەپڕۆژە یاساکە بخرێتە بەرنامەی کارەوە".

ئاماژە بەوەشدەکات کە" ڕۆژی دواتر لەگەڵ بەڕێز سەرۆکی پەرلەمان و هەردوو جێگرە بەڕێزەکەی دانیشتمان کردوەو لەسەر ئەم بابەتە کۆبووینەتەوە بەیاوەری بەڕێز سەرۆکی فراکسیۆیەنی یەکێتی لەپەرلەمانی عێراق ، بەڕێز محمود مشهدانی سەرۆکی پەرلەمانی عێراق دڵنیایی زۆری پێدان لەئاسان تێپەڕاندنی پڕۆژەیاسای بەپارێزگابوونی هەڵەبجە".

  لە کۆتایشدا ئەندامەکەی فراکسیۆنی یەکێتی لە ئەنجومەنی نوێنەران رایدەگەیەنێت:" ئێمە وەک فراکسیۆنی یەکێتیی نیشتمانیی کوردستان و نوێنەری هەڵەبجە لەجارێک زیاتر هەوڵمان داوە لەگەڵ هەموو ئەو شوێنانەی ئاماژەمان پێداوەو هەروەها لەگەڵ بەڕێزان لەلیژنەی ئەقالیم چەندین جار فشارمان کردووە بۆ تێپەڕاندنی پڕۆژە یاساکەو ساڵی پاریش لیژنەی ئەقالیم ـ مان هێنایە هەڵەبجه بۆئەوەی بزانن کە جەند پێویسته شارەکە بکرێتە پارێزگا".

PUKMEDIA