خانمی یەکەمی عیراق: تێپەڕاندنی بەربەستەکان لای ژنان نامۆ نین

نوسینگەی رۆژنامەوانی خانمی یەکەمی عیراق

شاناز ئیبراهیم ئەحمەد خانمی یەکەمی عیراق

شاناز ئیبراهیم ئەحمەد خانمی یەکەمی عیراق لەرۆژی جیهانی ژناندا پەیامێکی بڵاوکردەوە و رایگەیاند:"ژنانی عیراق بەدرێژایی زیاتر لەسەدەیەک تێکۆشان بۆ بەدیهێنانی ماف و ئازادییەکانیان، بەجۆشەوە مێژووی عیراقیان نەخشاند سەرباری ئەو ئاستەنگانەی بەلای ئێمەوە نامۆ نین، چونکە پێشتریش تێمانپەڕاندووە و ڕووبەڕوویان دەبینەوە".

دەقی پەیامەکە:

لەرۆژی جیهانیی ژناندا، پابەندبوونمان بە کارکردن لەپێناو پێشخستن و بەدیهێنانی یەکسانی نێوان هەردوو رەگەز، دووپات دەکەینەوە.

ژنانی عیراق بەدرێژایی زیاتر لەسەدەیەک تێکۆشان بۆ بەدیهێنانی ماف و ئازادییەکانیان، بەجۆشەوە مێژووی عیراقیان نەخشاند سەرباری ئەو ئاستەنگانەی بەلای ئێمەوە نامۆ نین، چونکە پێشتریش تێمانپەڕاندووە و ڕووبەڕوویان دەبینەوە. 

ئەمڕۆش بە پەرۆشەوە میراتی ژنانمان شکۆمەند دەکەین لە ڕێی مسۆگەرکردنی دواڕۆژێک کە تێیدا هەموو ژنێک دەرفەتی شایستەی پێ بدرێت، لەم پێناوەشدا هەموو جۆرە خاو و خلیچییەک بەرپەرچ دەدەینەوە.

PUKMEDIA