لەسەر داوای پەرلەمانتارێکی یەکێتی ژاپۆن پرۆژەیەکی گەورە لەسلێمانی ئەنجامدەدات

تایبەت

د.بڕیار رەشید لەمۆزەخانەی سلێمانی

لەسەر پێشنیار و داواکاری پەرلەمانتارێکی یەکێتی لە لایەن باڵیۆزخانەی ژاپۆنەوە، بڕی زیاتر لە یەک ملیار دینار بۆ مۆزەخانەی سلێمانی خەرج دەکرێت.

د.بڕیار رەشید ئەندامی فراکسیۆنی یەکێتی لەئەنجومەنی نوێنەرانی عیراق بە PUKMEDIA ی راگەیاند:"دوای هەوڵەکانمان لەماوەکانی رابردوودا بۆ پڕکردنەوەی پێداویستی و کەموکوڕی بەشێک لەدامەزراوەکانی سلێمانی لە رێگەی رێکخراوە نێودەوڵەتی و ناوەندە جیهانیەکانەوە، بەڵێنمان لە باڵێۆزی ژاپۆن وەرگرت بۆ ئەنجامدانی پرۆژەیەک بۆ پڕکردنەوەی پێداویستی مۆزەخانەی سلێمانی بەبڕی زیاتر لە یەک ملیار دینار".

"رۆژی سێ شەممە ٤ی ٣ ی ٢٠٢٥ بۆ هەمان مەبەست سەردانی باڵیۆزخانەی ژاپۆنمان کرد لە بەغدا و لەگەڵ کێنجی یۆکۆتا کاربەڕێکەری باڵیۆزخانەی ژاپۆن و هیدێکی ئۆکادا سکرتێری سیاسی کۆبووینەوە و گفتوگۆی جێبەجێکردنی ئەو پرۆژەیەمانکرد، دوای ئیمزاکردنی لەیەک تێگەشتنێک لە نێوان باڵیۆزخانە و وەزارەتی دەرەوەی عیراق، بڕیاروایە پڕۆژەکــە لەم مانگەدا بە پاڵپشتی رێکخراوی JICA لە مۆزەخانەی سلێمانی دەستپێبکات"، د.بڕیار وایوت.

راشیگەیاند:" پرۆژەکە رۆڵی گەورەی دەبێت لە پاراستنی موڵکی کلتووری و دەوڵەمەنکردنی مۆزەخانەی سلێمانی لەکەلوپەلی مێژووی و بەرەوپێشبردنی کەرتی گەشتیاری لە سلێمانی و هەرێمی کوردستان، هاوکات سوپاسی حکومەتی ژاپۆن و باڵێۆزخانەکەیمان کرد بۆ ئەم پاڵپشتییە".


PUKMEDIA