به‌بڕ‌ی یه‌ك ملیار دینار ده‌رمان و پێداویستی پێشكه‌ش به‌ته‌ندروستی سلێمانی ده‌كرێت

راگەیاندنی تەندروستی سلێمانی

گەیاندنی هاوکاری تەندروستی

رێكخراوی كۆڵه‌ك فاوه‌نده‌یشن به‌بڕ‌ی یه‌ك ملیار دینار ده‌رمان و پێداویستی پزیشكی تاقیگه‌یی پێشكه‌شی به‌ڕ‌ێوبه‌رایه‌تی گشتی ته‌ندروستی سلێمانی كرد .

د.سه‌باح نه‌سره‌دین به‌ڕ‌ێوبه‌ری گشتی ته‌ندروستی سلێمانی له‌ لێدوانێكی رۆژنامه‌وانیدا رایگه‌یاند:" ساڵانه‌ به‌هۆی دواكه‌وتنی ره‌زامه‌ندی حكومه‌تی هه‌رێم و وه‌زاره‌تی ته‌ندروستی بۆ كڕ‌ینی ده‌رمان و پێداویستی پزیشكی و تاقیگه‌یی روبه‌ڕ‌ووی قه‌یران ده‌بنه‌وه‌، ئه‌مساڵیش تائێستا ئه‌و ره‌زامه‌ندیانه‌ نه‌هاتونه‌ته‌وه‌ و گرفتیان بۆ دروستکراوە، داواكارین له‌حكومه‌ت به‌زووترین كات چارەسەری بکات".

به‌ڕ‌ێوه‌به‌ری گشتی ته‌ندروستی سلێمانی راشیگه‌یاند:" به‌سوپاسه‌وه‌ ئه‌مڕ‌ۆ رێكخراوی كۆڵه‌ك فاوه‌نده‌یشن به‌بڕ‌ی یه‌ك ملیار دینار ده‌رمان و پێداویستی پزیشكی تاقیگه‌یی پێشكه‌شی به‌ڕ‌ێوبه‌رایه‌تی گشتی ته‌ندروستی سلێمانی كردوه‌و ئه‌وه‌ یه‌كه‌مجار نیه‌ رێكخراوی كۆڵه‌ك فاوه‌نده‌یشن هاوكاری ته‌ندروستیی پێشكه‌ش بكات و ساڵانه‌ ئه‌م رێكخراوه‌ هاوكاری باشی پێشكه‌شی كه‌رتی ته‌ندروستی كردووه‌، ئه‌مجاره‌ هاوكارییه‌كانی له‌كاتێكی زۆر پێویستدا بووه‌".

به‌ڕ‌ێوه‌به‌ری گشتی ته‌ندروستی سلێمانی به‌ناوی به‌ڕ‌ێوبه‌رایه‌تی گشتی ته‌ندروستی سلێمانی و وه‌زاره‌تی ته‌ندروستی زۆر سوپاسی رێكخراوی كۆڵه‌ك فاوه‌نده‌یشنی كرد و ده‌ستخۆشیان لێكردن، هه‌روه‌ها سوپاسی هه‌مو ئه‌و كه‌س و لایه‌نانه‌ی كرد هاوكاری كه‌رتی ته‌ندروستی ده‌كه‌ن.

PUKMEDIA