به‌هه‌وڵی یه‌كێتی یادی كیمیابارانی هه‌ڵه‌بجه‌ له‌عیراق ده‌كرێته‌ پشوو

PUKMEDIA

مۆنۆمێنتی هەڵەبجە و ئەنجومەنی نوێنەرانی عیراق و لۆگۆی یەکێتی

لەسەر داوای فراکسیۆنی یەکێتیی نیشتمانیی کوردستان، ئەنجومەنی نوێنەرانی عیراق بڕیاریدا، رۆژی 16ـی 3ـی هەموو ساڵێک وەک پشووی رەسمی بناسێندرێت، کە ئەمساڵ بۆ یەکەمینجارە لەسەر ئاستی عیراق یادی کیمیابارانکردنی هەڵەبجە دەکرێتە پشوو.


غەریب ئەحمەد جێگری سەرۆکی لیژنەی ئەوقاف و هۆزەکانی پەرلەمانی عیراق لەفراکسیۆنی یەکێتی بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند:"دوای هەوڵەکانمانی بەندە و فراکسیۆنی یەکێتی لە ئەنجومەنی نوێنەرانی عیراق بڕیاردرا، رۆژی ١٦-٣-٢٠٢٥ کە ساڵیادی کیمیابارانکردنی هەڵەبجەیە لە سەرتاسەری عێراق کرایە پشووی رەسمیی".

"ئەم دەستکەوتە مەزنە، بەهۆی هەوڵەکانی ئێمەوە بووە وەك فراکسیۆنی یەکێتی و نووسراوی پێشکەشکراومان وەك جێگری سەرۆکی لیژنەی ئەوقاف، بەژمارە ١٤٧ لە لە ٢٢-٥- ٢٠٢٤كە ئاراستەی سەرۆکی پەرلەمانم کردووە و لە نووسراوەکەدا داوامان کردووە کە بە رەسمیی رۆژانی ١٦-٣ (یادی کیمیابارانی هەڵەبجە) و ١٤-٤ (یادی ئەنفال دژ بە گەلی کورد) بکرێنە پشووی رەسمیی لە سەرتاسەری عیراقدا و ئەنجومەنی نوێنەرانی عیراق بە زۆرینەی دەنگ تەنها رۆژی 16ـی 3ـی وەک پشووی رەسمی لە هەموو عیراقدا ناساند"، غەریب ئەحمەد وایوت.

PUKMEDIA