د. بڕیار: كۆتایی بەڕێگرییەكانی بەردەم بەرهەمی پیشەسازی هەرێم دێت

PUKMEDIA

د. بڕیار رەشید ئەندامی ئەنجومەنی نوێنەران و د. عەلی ئیبراهیم بەڕێوەبەری گشتی گەشەپێدانی پیشەسازی عیر

هەوڵەكانی فراكسیۆنی یەكێتی لەئەنجومەنی نوێنەران بۆ لابردی رێگرییەكانی بەردەم بەرهەمە پیشەسازییەكانی هەرێمی كوردستان بەرەو ناوەڕاست و خواروی عیراق بەردەوامەو ئەندامێكی فراكیۆنەكەش دەڵێت: "بەبڕیاری ئەنجومەنی وەزیران لەسەر كۆنووسی كۆبوونەوەی هاوبەشی هەردوو لا كۆتایی بەڕێگرییەكانی بەردەم بەرهەمی پیشەسازی هەرێم دێت".

د. بڕیار رەشید ئەندامی ئەنجومەنی نوێنەرانی عیراق بەوێبسایتی رەسمیی یەكێتیی نیشتمانیی كوردستان PUKMEDIA ی راگەیاند: "لەدرێژەی هەوڵە بەردەوامەكانمان بەمەبەستی هەڵگرتنی ئەو رێگریانەی لە هەناردەكردنی بەرهەمە پیشەسازییەكان بۆ ناوەڕاست و خواروی عیراق دەكرێن، ئەمڕۆ دوو شەممە 3-3-2025، سەردانی د. عەلی ئیبراهیم بەڕێوەبەری گشتی گەشەپێدانی پیشەسازی عیراق-مانكرد، كەكۆبوونەوەی ئەمڕۆمان هاوكات بوو لەگەڵ ئەو كۆبوونەوەی ئەمڕۆی وەزارەتی پلاندانان كە بە هاوبەشی لە نێوان كوالێتی كۆنترۆڵی وەفدی حكومەتی هەرێم و عیراق ئەنجامدرا بەئامانجی هەڵگرتنی رێگرییەكان لە نێوان هەردوو لا".

"لەهەمانكاتدا بۆ هەمان مەبەست لەپەیوەندی بەردەوامدابووین لەگەڵ نەوزاد رەباتی سەرۆكی ژووری بازرگانی سلێمانی و كەمال رەئوف بەڕێوبەری گشتی گومرگی هەرێمی كوردستان و خۆشبەختانە لەیەكتێگەیشتنی باش لەنێوان هەردوو حكومەتدا دروستبووەو بەبڕیاری ئەنجومەنی وەزیران لەسەر كۆنووسی كۆبوونەوەی هاوبەشی هەردوو لا كۆتایی بەڕێگرییەكانی بەردەم بەرهەمی پیشەسازی هەرێم دێت".


PUKMEDIA