دوو هەفتە پشووی بەهارەی ناوەندەکانی خوێندنە لە هەرێم

PUKMEDIA

پڕۆسەی خوێندن

پشووی بەهارەی ناوەندەکانی خویندن لە هەرێمی کوردستان دوو هەفتەیە، لە 11ی ئادار دەستپێدەکات و 24ی ئادار کۆتایی پێدێت و بە وتەی سەرچاوەیەک لەبەرێوەبەرایەتی پەروەردەی سلێمانی:" ئەم پشووەی پەروەردە رایگەیاندووە ئەو ناوەندە حکومییانە ناگرێتەوە کە بایکۆتیان کردووە".

بەپیی راگەیەندراوێکی وەزارەتی پەروەردە :" پشووی بەهارەی ناوەندەکانی خوێندن لە 11ـی ئازارەوە دەستپێدەکات تا 23ـی ئازار، هاوکات پشووەکە بەوشێوەیە لەو ناوەندانەی خوێندن دەبێت کە ساڵنامەی وەزارەتیان وەکو خۆی پیادەکردووە و رۆژی دووشەممەی 24ـی 3ـی 2025 دەوامی ئاسایی دەستپێدەکاتەوە".

سەرچاوەیەکی ئاگادار لە بەڕێوەبەرایەتی پەروەردەی سلێمانی بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند:" پشووەکە لەسلێمانی ئەو ناوەندانەی خوێندن ناگرێتەوە،  کە ساڵنامەی وەزارەتیان وەک خۆی پیادەنەکردووە و بایکۆتی دەوامیان کردووە، هاوکات پشووەکە ناوەندەکانی خوێندنی ناحکومیی دەگرێتەوە و پشووەکەیان وەردەگرن".

PUKMEDIA