پله‌ی فه‌رمانده‌ كورده‌كه‌ی كه‌ركوك به‌رزكرایه‌وه‌

ئاژانسەکان

هه‌رێم كه‌مال ئاغا و لیوا ر‌وكن ئیدریس خدر سه‌عید وفه‌ریقی یه‌كه‌م قاسم محه‌مه‌د ساڵح و عه‌قید رێب

بۆ چاره‌سه‌ری كێشه‌ی عه‌قید رێبه‌ر مزووری فه‌رمانده‌ كورده‌كه‌ی كه‌ركوك، سه‌رۆكی فراكسیۆنی یه‌كێتی له‌ئه‌نجومه‌نی نوێنه‌ران سه‌ردانی فه‌رمانده‌ی هێزه‌ وشكانیه‌كانی عیراقی كرد، هاوکات له‌گه‌ڵ چاره‌سه‌ركردنی كێشه‌كه‌ پله‌ی فه‌رمانده‌ كورده‌كه‌ش به‌رزكرایه‌وه‌.

ئەمڕۆ ٢٦-٢-٢٠٢٥هه‌رێم كه‌مال ئاغا سه‌رۆكی فراكسیۆنی یه‌كێتی له‌ئه‌نجومه‌نی نوێنه‌رانی عیراق به‌ هاوڕ‌ێیه‌تی لیوا ر‌وكن ئیدریس خدر سه‌عید به‌ڕێوه‌به‌ری به‌ڕێوه‌به‌رایه‌تی هه‌واڵگری ئاسایشی عیراق، بەمەبەستی سه‌ردانی فه‌ریقی یه‌كه‌م قاسم محه‌مه‌د ساڵح فه‌رمانده‌ی هێزه‌ وشكانیه‌كانیان لە عیراق كرد.

ئامانجی سه‌ردانه‌كه‌ به‌دواداچوون بۆ چه‌ند پرسێكی سه‌ربازی و چاره‌سه‌ركردنی كێشه‌ی عه‌قید رێبه‌ر مزووری كه‌ به‌تۆمه‌تی پشتگیریكردن له‌جوتیارانی كه‌ركوك لیژنه‌یه‌كی لێكۆڵێنه‌وه‌ی له‌سه‌ر پێكهێنرابوو.

له‌كۆبوونه‌وه‌كه‌دا فه‌رمانده‌ی هێزه‌ وشكانییه‌كانی عیراق بڕیاریدا به‌چاره‌سه‌ركردنی كێشه‌ی عه‌قید رێبه‌ر مزووری و به‌رزكردنه‌وه‌ی پله‌كه‌ی.

PUKMEDIA