قوباد تاڵەبانی: من كوردم و زمانی دایكم كوردییە

PUKMEDIA

قوباد تاڵەبانی

قوباد تاڵەبانی رایدەگەیەنێت: "سەری رێز لەئاست ئەو نووسەرو شاعیرو زمانزان و خەمخۆرانە دادەنوێنین كە خزمەتی زمانی كوردییان كردوەو گەشەیان پێ داوە سەرباری ئەو هەموو فشار و هەڕەشەیەی لەسەر زمانەكەمان هەبووە"، دەشڵێت: " من كوردم..، زمانی دایكم كوردییە..".

لەڕۆژی جیهانیی زمانی دایكدا، قوباد تاڵەبانی پەیامێكی بڵاوكردەوەو رایگەیاند: "لە رۆژی جیهانی زمانی دایكدا، سەری رێز دادەنوێنین لە ئاست هەموو ئەو نووسەر و شاعیر و زمانزان و خەمخۆرانەی خزمەتی زمانی كوردییان كردوەو گەشەیان پێ داوە. سەرباری ئەو هەموو فشار و هەڕەشەیەی لەسەر زمانەكەمان هەبووە و هەیە، ئەوان وەك پارێزەری زمانی كوردی تاڵی و شەونخونی زۆریان چەشت تا پارێزگاری لە زمانی كوردی وەك ناسنامەی نەتەوەكەمان بكەن". 

راشیدەگەیەنێت: "لەم قۆناغەدا بۆ ئەوەی بتوانین زمانەكەمان بپارێزین دەبێت گەشەی پێ بدرێت و پشتگیری ئەو كەسە دڵسۆز و خەمخۆرانە بكەین كە هەوڵ دەدەن زمانی كوردی لەگەڵ زانستە جۆراوجۆرەكان و گۆڕانكارییەكانی ئەم سەردەمە بگونجێنن".

لەكۆتایی پەیامەكەیدا دەشڵێت: "من كوردم... زمانی دایكم كوردییە...".

PUKMEDIA